जनमुखी बचत तथा ऋण सहकारी संस्थाले २७ औं बार्षिक साधारण सभा सम्पन्न गरेको छ । सभाले आगामी ४ बर्षे कार्यकालको लागि माधवप्रसाद दहालको अध्यक्षतामा नयाँ सञ्चालक समिति चयन गरेको छ । संस्थाको बरिष्ठ उपाध्यक्षमा गीताकृष्ण शर्मा, उपाध्यक्षमा कृष्णकुमारी बस्नेत र सचिवमा लक्ष्मण चौलागाई निर्विरोध निर्वाचित भएका छन् ।
त्यसैगरी संस्थाको सह सचिवमा मोहन कुमार खड्का,कोषाध्यक्षमा तोयानाथ दहाल र सदस्यहरुमा सुमन कुमार मोक्तान,यज्ञराज खतिवडा,मन्दिरा दहाल,सुशिला खतिवडा, रमेश बस्नेत,तारादेवी बस्नेत,प्रेम प्रसाद न्यौपाने,अर्जुन काफ्ले,सावित्री घिमिरे,कमलप्रसाद चौलागाई र गीता भुजेल चयन भएका छन् । सस्थाले सेवा केन्द्रका आधारमा प्रतिनिधित्व हुने गरी सञ्चालक समिति चयन गरेको जनाएको छ । संस्थाको लेखा सुपरीवेक्षण समिति संयोजकमा माधव प्रसाद दहाल र सदस्यहरुमा विन्दा पराजुली र केशव प्रसाद दहाल निर्विरोध निर्वाचित भएको निर्वाचन उप समितिका संयोजक देवीप्रसाद शर्माले जानकारी दिए । संस्थाले सदस्यहरुको सहजतालाई मध्यनजर गरेर चार वटा इकाईमा साधारण सभा सम्पन्न गरेको जनाएको छ ।
सभामा अध्यक्ष दहालले सदस्यहरुको हितलाई प्राथमिकतामा राखेर वित्तीय पारदर्शिता र अनुशासनमा रहेर संस्थाले वित्तीय कारोबार गर्दै आएको बताए । संस्थाले ग्रामीण र दुरदराजका जनतालाई समेत वित्तीय सेवा प्रदान गर्न सेवा केन्द्र विस्तार गरेको सो अवसरमा जानकारी दिए । सहकारी सिद्धान्तलाई आत्मसात गर्दै सदस्यहरुको आर्थिक तथा सामाजिकस्तर वृद्धि गर्न संस्थाले काम गर्दै आएको उनले बताए । सभामा सचिव लक्ष्मण चौलागाईले बार्षिक प्रतिवेदन प्रस्तुत गर्दै गत आर्थिक बर्षमा संस्थाले गरेका गतिविधिका बारेमा सभामा जानकारी दिएका थिए ।
‘गुणस्तरीय व्यवसायिक, विश्वसनिय र दिगो सहकारी संस्था’ को परिकलपना र ‘ सहकारी सुशासनमा रही प्रविधिमैत्री वित्तीय सेवा मार्फत सदस्यहरुको आर्थिक जीवनस्तर उकास्ने’ ध्येयका साथ चार बर्षे रणनीतिक योजना तयार गरको उनले बताए । संस्थाका कोषाध्यक्ष राजन के.सी.ले आ.व. २०८०÷८१ को वित्तीय विवरण प्रस्तुत गर्दै शेयर सदस्य २२ हजार ६ सय, शेयर पुँजी १० करोड ९६ लाख १४ हजार, संस्थागत पुँजी ९ करोड २ लाख ३२ हजार, बचत संकलन १ अर्ब १० करोड ८० लाख, ऋण लगानी १ अर्ब २ करोड ९५ लाख र खुद बचत १ करोड ७ लाख ८५ हजार गरेको जानकारी दिए । संस्थाले सदस्य हित कार्यक्रम, विद्यार्थी छात्रवृति कार्यक्रम, सामाजिक तथा मानविय कार्यक्रम,सदस्य सम्मान तथा पुरस्कार जस्ता थुप्रै कार्यक्रम सञ्चालन गर्दै आएको छ ।
संस्थाका व्यवस्थापक भेष बहादुर मिजारले सदस्यहरुलाई सहज रुपमा वित्तीय सेवा प्रदान गर्न संस्थाले प्रविधिको प्रयोगलाई आत्मसात गरेर अगाडि बढेको बताए । संस्थाले नेफ्स्कूनले सञ्चालन गरेको प्रोवेशन ब्राण्ड पाइसकेको र अहिले अक्कुले सञ्चालन गरेको एक्सेस ब्राण्ड कार्यक्रममा सहभागि भएको उनले जानकारी दिए ।
