लक्ष्मी महिला बचत तथा ऋण सहकारी संस्थाले  भावि सञ्चालकहरुको नेतृत्व विकास तालिमको आयेजना गरेको छ । संस्थाकी अध्यक्ष  मैया महतको अध्यक्षतामा संस्थाकी  निवर्तमान अध्यक्ष तिर्थमाया प्रधानको प्रमुख अतिथि तालिम  सम्पन्न भएको हो । कार्यक्रम संञ्चालन  संस्थाकी  सचिव सकुन्तला श्रेष्ठले   गरेकी थिइन् भने स्वागत मन्तव्य एव कार्यक्रमको औचित्य  माथि  अध्यक्ष  मैया महतले प्रष्ट पारेकी थिइन् ।

 सो अवसरमा उनले भावि सञ्चालक समितिहरुलाई विगतका संघर्ष एव  आगामी  चुनौतीको बारेमा समेत प्रष्ट  पारेकी थिइन् । आगामी दिनमा संस्थालाई सबल र दिगो बनाउन  सबै सदस्यहरुको सधैब सक्रिय  सहभागिता आवश्यक पर्ने उनको भनाई छ । एक दिवसिय तालिमलाई प्रशिक्षक  कृष्ण प्रसाद आचार्यले सहजीकरण गर्दै  संञ्चालक समितिको योग्यता, क्षमता ,कर्तव्य र  भूमिका बारेमा  प्रष्ट पारेका थिए ।

उनले  संस्थामा उतरदायित्व एवं जिम्मेवारीको बारेमा  समेत सहभागिलाई  प्रशिक्षण दिए । तालिमको प्रमुख अतिथी  प्रधानले संस्थाको प्रारम्भिक अवस्थाबाट आजको दिनलाई फर्केर हेर्दा अत्यन्तै हर्ष लाग्ने बताइन् ।  सबैको  साथ सहयोगको परिणाम स्वरुप संस्थाले ठुलो फड्को  मार्न सफल भएको उनको भनाई छ  । कार्यक्रममा ४८ जना सदस्यहरुको उपस्थिति रहेको थियो ।