सहकारी संस्थाको बचत रकम दुरुपयोग सम्बन्धमा छानबिन गर्न गठित संसदीय विशेष समितिका सदस्य लेखनाथ दाहालले सहकारीबाट ठगी भएको पुँजी पलायन भएको बताएका छन् । आज पत्रकारहरुसँग भएको छलफलमा बोल्दै उनले सहकारीको अर्बौ पुँजी विदेश पलायन भएको र फिर्ता ल्याउने कानुनी आधार नभएको समेत प्रष्ट पारे ।

विदेश गएको अर्बौ पुँजी फर्काउने कानुन नहुँदा सदस्यको बचत फिर्ता गर्न समस्या हुने उनको भनाई छ । अरुको देशको कोत के कुरा भारतमा गएको पुँजी समेत फिर्ता ल्याउन नसक्ने उनले जनाए । सिमित सहकारीले सदस्यको बचत अपचल गरेको भए पनि समाजमा रहेका अधिकांश सहकारीले सदस्यको हितमा काम गरेको उनको बुझाई छ ।

सहकारी मार्फत पुँजी निर्माण भए पनि पुँजी परिचालनको विधि नहुँदा जथाभावी लगानी  गरेकाले अहिलेको समस्या आएको उनको बुझाई छ ।   सहकारी अभियान सिमित व्यक्तिको कब्जामा रहेको समेत उनले जनाए ।