सदस्य केन्द्रीत वित्तीय कारोबार गर्दै आएको नवजागरण बचत तथा ऋण सहकरी संस्थाले एक पछि अर्को सफलता हात पारेको छ । संथागत सुशासन कायम गर्दै सदस्यहरुको आर्थिक तथा सामाजिक रुपान्तरणमा खेलेको भूमिका कारण संस्थाले सफलता  हात पर्न सकेको हो ।

यस अघि नेपाल बचत तथा ऋण केन्द्रीय सहकारी संघ(नेफस्कून), जिल्ला सहकारी संघ, बचत तथा ऋण सहकारी संघ र तत्कालिन डिभिजन सहकारी कार्यालयबाट उत्कृष्ट सहकारी संस्थाको रुपमा सम्मान पाइसेकेको  संस्था  हालै मात्र बागमती प्रदेशभरको उत्कृष्ट संस्थाको रुपमा घोषित भएको छ । बागमती प्रदेश बचत तथा ऋण सहकारी संघ(बागमती प्रोस्कून)ले ५ औं स्थापना दिवसको अवसरमा  संस्थालाई बागमती प्रदेशकै उत्कृष्ट संस्थाको रुपमा घोषणा गरेको हो  सदस्यहरुलाई आधुनिक प्रविधिको माध्यमबाट गुणस्तरीय  वित्तीय सेवा प्रदान गर्दै आएको संस्थाको सबै भन्दा बलियो पक्ष संस्थागत पुँजी रहेको छ ।

संस्थाको  गत असार मसान्तसम्म ६ करोड  ४२ लाख  संस्थागत पुँजी पुगेको छ । त्यसैसैगरी  शेयर पुँजी ४ करोड ४८ लाख ४० हजार,   जगेडा कोष ६ कररोड ४७ लाख,    बचत संकलन ५८ करोड ३३ लाख ५३ हजार, ऋण लगानी ३९  संस्थाको विभिन्न बैक तथा वित्तीय संस्थामा गरेको लगानी २७ करोड ५८ लाख ७७ हजार पुगेको छ ।९ हजार ८६४ जना शेयर सदस्य रहेको संस्थामा ७३० जना सदस्यले ऋण उपभोग गरेको छन् ।