- आफ्नो बसोबास भएको ठाउँमा सदस्य बन्न चाहेको सहकारी संस्थाको स्वीकृत कार्यक्षेत्र भित्र पर्ने भएमात्र सदस्य बनौं,
- सदस्य बन्नु अघि सञ्चालकहरुको विगतको चरित्र र छवि, व्यवस्थापन, विश्वसनीयता एवं योग्यताको सम्बन्धमा पर्याप्त बुझने गरौं,
- संस्थाको योजना तथा कार्यक्रम र नाफा नोक्सानको अवस्था दृष्टिगत गरी संस्थाबाट अधिकतम सेवा प्राप्त हुनसक्ने देखिए मात्र सदस्य बनौं,
- अस्वाभाविक व्याजदरको लोभ देखाउने र उपहार योजना राख्ने संस्थाको सदस्य नबनौं,
- संस्थामा बचत गर्दा र ऋण लिँदा गरिने लिखतलाई राम्रोसँग अध्ययन गरेर मात्र कारोबार गर्ने गरौं,
- संस्थासँग गरिएको शर्त बमोजिम ऋणको साँवा ब्याज समयमा भुक्तानी गरौं, लिएको ऋण उद्देश्य अनुरुप प्रयोग गरी आर्थिक, सामाजिक स्तर उकास्न लागिपरौं,
- नियमित रुपमा संस्थाको सम्पर्कमा रही संस्थाको कारोबार, सञ्चालक र व्यवस्थापनका गतिविधिमा ध्यान दिऔं र अनावश्यक हल्लाका पछि लागेर बचत फिर्ता माग्न नजाऔं,
- संस्थाले नियमित रुपमा लेखापरीक्षण एवं साधारणसभा गर्ने, प्रतिवेदनहरु कार्यालयमा पेश गर्ने र हिसाबकिताब पारदर्शी राख्ने गरे नगरेको सम्बन्धमा सुसूचित बनौं,
- संस्थाले सञ्चालकहरुका निजी व्यसायमा लगानी गरे नगरेको तथा कुनै व्यक्तिलाई पर्याप्त धितो नराखी असुरक्षित ढंगले ऋण दिए नदिएको सम्बन्धमा सचेत बनौं,
- एकभन्दा बढी संस्थाको सञ्चालक तथा लेखा समितिमा नबसौं र कोही बसेको पाइए नियामक निकाय, कार्यालयमा सूचना गरौं,
- संस्थामा सहकारी सिद्धान्त एवं कानून विपरीतका कार्य भएको पाइए नियामक निकायलाई सूचना दिई सबैको बचतलाई पूर्ण सुरक्षित तुल्याउन एवं सुशासनयुक्त ढंगले संस्था सञ्चालन गर्ने वतावरण बनाउन सहयोग गरौं,
सोमबार, कार्तिक १० गते २०८३
