नेपालपत्र संवाददाता
काठमाडौं महानगरपालिकाले सहकारी संस्थाबाट ऋण लिएका सदस्यहरुलाई ऋृणकाे साँवाब्याज चुक्ता गर्न आग्रह गरेको छ ।
महानगरपालिकाले आज एक सूचना जारी गर्दै सहकारी संस्थाहरुले सदस्यको बचत नै ऋृणीहरुलाई कर्जाको रुपमा प्रवाह गर्ने हुँदा समयमा ऋण चुक्ता गर्न अनुरोध गरेको हो ।
पछिल्लो समय संस्थाहरुबाट लिएको ऋृणको साँवाब्याज चुक्ता गर्न कतिपय सदस्यहरुले बहानाबाजी गर्ने गरेको र कतिपयले सहकारीको ऋृण नै तिर्नु पर्दैन भन्ने भ्रामक र गैरजिम्मेवारीपूर्ण अभिव्यक्तिको पछि लागी ऋृण नतिरेको गुनासो संस्थाहरुबाट आएको महानगरको सूचनमा उल्लेख छ ।
सहकारी संस्थाहरुमा साँवाब्याज नउठ्दा तरलताको अभाव भई सदस्यको बचत फिर्ता गर्न समेत समस्या भएकोले ऋृणी सदस्यले समयमा ऋृण चुक्ता गर्न महानगरले भनेको छ ।
समयमा ऋण भुक्तानी नगरेमा संघीय सहकारी ऐन २०७४ को दफा ८३ र ८४, बागमती प्रदेश सहकारी ऐन ७६ को दफा ६५ र ६६ एवं काठमाण्डौ महानगरपालिका सहकारी ऐन ७४ को दफा ६१ र ६२ को ऋृणी सदस्यको खाता रोक्का, जायजेथाको स्वामित्व हस्तान्तरण र विक्री गर्न नपाउने गरी संस्था स्वयंले सम्बन्धित निकायमा लेखिपठाउन सकिने व्यवस्था रहेको छ ।
जुन सम्झौता र शर्त बमोजिम ऋृण लिएको हो सोही बमोजिक ऋृणको साँवाब्याज सम्बन्धित संस्थामा भुक्तानी गर्न महानगरले भनेको छ ।
