जिल्ला सहकारी संघ, भक्तपुरको २५ औं वार्षिक साधारणबाटअध्यक्षमा ध्रुव बहादुर रायमाझी निर्वाचित भएका छन् । संघको आज सम्पन्न  सभाले नयाँ नेतृत्व चयन गरेको हो । कुल १३४ मत मध्ये  रायमाझीले ७१ मत ल्याई विजयी भएका हुन् । उनका प्रतिस्पर्धी गणेशमान चक्रधरले ५९ मत ल्याएका थिए । निर्वाचित रायमाझी पारिजात बचत तथा ऋण सहकारी संस्थाका निवर्तमान अध्यक्ष हुन् ।

त्यस्तै महिला अध्यक्षमा सहना पसखल निर्वाचित भएकी छिन् । उनका प्रतिस्पर्धी सविता खत्रीले ५८ मत ल्याउँदा पसखलले ७० मत ल्याई विजयी भएकी हुन् । त्यस्तै उपाध्यक्षमा विरेन्द्र भक्त प्रधानाङ्ग निर्वाचित भएका छन् । उनले ७४ मत ल्याएर विजयी हुँदा उनका प्रतिस्पर्धी रामसुन्दर श्रेष्ठले ५४ मत ल्याए । त्यसैगरी सचिवमा रामप्रसाद कासुला विजयी भएका छन् । कासुलाले ६९ मत ल्याए भने प्रतिस्पर्धी राजभाई जनाले ६० मत ल्याए ।

कोषाध्यक्षमा ७१ मत ल्याएर राजकुमार सिलवाल निर्वाचित हुँदा उनका प्रतिस्पर्धी उत्तम सापकोटाले ६१ मत ल्याए । त्यस्तै संघको सञ्चालकहरुमा मनोज गिरी, विकास खड्का, रामचन्द्र गोसाई, सुलोचना दुवाल, नारायण प्रसाद स्वंगमिखा र सरिता थापा निर्वाचित भएका छन् । सभाले लेखा सुपरीवेक्षण समितिको संयोजकमा पुष्कर देउजा तथा सदस्यहरुमा कृष्णमान प्रजापती र सावित्री थापा निर्वाचित भएका छन् ।