राष्ट्रिय सहकारी बैंकले ब्याजदर परिवर्तन  गरेको छ । बैंकले आजबाट लागू हुने गरी बचत र  ऋणको ब्याजदर परिवर्तन  गरेको हो ।

परिवर्तन गरिएको ब्याजदर अनुसार सदस्य संघ संस्थाहरुले  साधारण बचतमा १.५० प्रतिशत , बिशेष बचतमा १.७५ प्रतिशतदेखि ३ प्रतिशतसम्म, अनिर्वाय बचतमा ८ प्रतिशत, क्रमिक बचतमा ७ प्रतिशतदेखि ७.७५ प्रतिशसम्म र मुद्धती निक्षेपमा ५ प्रतिशतदेखि ६.५० प्रतिशतसम्म ब्याज पाउने भएका छन् ।

त्यसैगरी बैंकले लिने कर्जाको ब्याजदर पनि  परिवर्तन भएको छ। जस अनुसार कृषि कर्जामा ७ देखि १० प्रतिशत,आवधिक कर्जामा ११ देखि ११.५० प्रतिशत ,हायर पर्चेच कर्जामा १०.५० प्रतिशत र लघुवित कर्जामा १०.५० प्रतिशतदेखि ११ प्रतिशतसम्म ब्याजदर निर्धारण गरिएको बैंकले  जनाएको छ  । समय  अवधि र र ऋणको प्रकार अनुसार बैंकले लिने ब्याजदर फरक -फरक रहेको छ । बैंकले ऋणको अधिकतम ब्याजदर ११ .७५ प्रतिशत तोकेको छ ।