ललितपुर जिल्ला बचत तथा ऋण सहकारी संघले सहकारी अखबार डटकमका प्रधान सम्पादक खिलानाथ दाहाललाई  सहकारी पत्रकारिता पुरस्कार प्रदान गरेको छ । संघको आज भएको २९ औं बार्षिक साधारण सभाको अवसरमा आयोजित  कार्यक्रममा  उनलाई पुरस्कृत गरिएको हो ।  सहकारी पत्रकारिताको माध्यमबाट सहकारी अभियानको विकास र प्रवद्धनमा योगदान पुर्याएको भन्दै   संघले  दाहाललाई पुरस्कृत गरेको छ ।

संघका अध्यक्ष रामहरि बजगाईको सभापतित्वमा भएको  कर्यक्रमका प्रमुख अतिथि प्रतिनिधि सभाका सभामुख देवराज घिमिरेले दाहाललाई  नगद  र  प्रशंसा पत्र प्रदान गरेका थिए । दाहाल  नेपाल सहकारी पत्रकार समाज (सीजेएन) का निवर्तमान अध्यक्ष समेत हुन् । विगत  डेढ दशकदेखि सहकारीलाई मात्र विट बनाएर   पत्रकारिता गर्दै आएका  दाहाल  राष्ट्रिय सहकारी  बैंक लगायत अन्य संघ संस्थाबाट  समेत  पुरस्कृत भईसकेका छन् ।