दोलखाको गौरिशङकर गाउँपालिका २ जुँगुमा रहेको जनउपकार बचत तथा ऋण सहकारी संस्थाको २४ औं साधारण सभा सम्पन्न भएको छ । संस्थाले सदस्यहरुको सहजताकाको लागि क्षेत्रगत रुपमा साधारण सभा आयोजना गरी असोज ३० गते निर्णय परमाणिकरण गरेको हो ।
संस्थाका अध्यक्ष लोकेन्द्रप्रसाद खड्काको समापत्विमा भएको साधारण सभाको प्रमुख अतिथि दोलखाका संघिय सासद गंगा कार्की रहेका थिए । आर्थिक बर्ष २०७९÷८० को असार मसान्तसम्म संस्थामा ९ हजार २५८ सदस्य ,३ करोड २६ लाख ६० हजार, शेयर पुँजी र १ करोड ९३ लाख ४१ हजार जगेडा कोष रहेको छ । त्यसैगरी संस्थाले ३५ करोड ७५ लाख ५० हजार बचत संकलन गरी ३२ करोड ९ लाख १४ हजार ऋण लगानी गरेको छ । संस्थाले ६ वटा सेवा कार्यालयबाट सदस्यलाई वित्तीय सेवा प्रदान गर्दै आएको छ भने यस बर्ष कार्यक्षेत्र विस्तार गरी दोलखा, सिन्धुपाल्चोक र काठमाडौं पुर्याउन संस्था सफल भएको छ । कुल सम्पत्ति ४३ करोड ५० लाख ३२ हजार पुगेको संस्थाले गत बर्षमा ५८ लाख ३९ हजार खुद मुनाफा आर्जन गर्न सफल भएको छ । संस्थाले विभिन्न सदस्यमुखी सेवाहरु अगाडी सारेको छ । जस अन्तर्गत महिला सदस्य सुत्केरी हुँदा सुत्केरी भत्ता, ७५ बर्ष माथीका सदस्यलाई वृद्धा भता, काजक्रिया खर्च र सदस्य बीमा कार्यक्रम सञ्चालनमा ल्याएको छ ।
संस्थाले आफ्नै मोबाइल बैकिग सेवा समेत सञ्चालनमा ल्याएको छ भने उक्त एप्पको प्रयोग गरेर सदस्यहरुले ब्यालेन्स ट्रान्सफर, विभिन्न युटिलिटी पेमेन्ट र अन लाइन विल भुक्तानी गर्न सकिने संस्थाले जनाएको छ । अध्यक्ष खड्काले संस्थाको सम्र्पुण वित्तीय कारोवारलाई डिजिटल प्रणालीबाट अगाडी बढाइएको जानकारी दिँदै अब सदस्यलाई गुणस्तरिय र प्रभावकारी सेवा सेवा प्रदान गर्दै जाने बताए । यस बर्ष सदस्य सन्तुष्टि सर्भेक्षण गर्ने र सदस्यले दिएको सुझावलाई समेटेर संस्थाको नीति परिमार्जन गर्ने उनले बताए । संस्थाले बाल बालिकाहरुमा बचत गर्ने वानीको विकास गर्ने उदेश्यले ५ बर्ष भन्दा कम उमेरका लागि निशुल्क बाल भविष्य बचत खाता सञ्चालन गर्ने योजना जनाएको छ । त्यसैगरी संस्थाले नवविवाहित दम्पत्तिलाई लक्षित गरी दम्पत्ती तथा बसाइसराइँ स्वागत योजना सञ्चालन गर्ने र उनीहरुलाई सदस्य बनाउने भएको छ । सभामा जेष्ठ सदस्य, उत्कृष्ट बचत कर्ता, ऋणी र कर्मचारीलाइ सम्मान तथा पुरस्कार प्रदान गरिएको थियो ।
