पाँच तारा बचत तथा ऋण सहकारी संस्थाको अध्यक्षमा भोला नाथ पाठक चयन भएका छन् । संस्थाको आज सम्पन्न १६ औं बार्षिक साधारण सभाले पाठकलाई आगामी ४ बर्षे कार्यकालको लागि पुनः  निर्विरोध चयन गरेको हो ।

त्यसैगरी संस्थाको प्रथम उपाध्यक्षमा विजया मल्ल, द्धितिय उपाध्यक्षमा विन्दा कुँवर, सचिवमा लोचनहरि प्रसाई र कोषाध्यक्षमा कुमार विमली चयन भएका छन् । त्यसैगरी सञ्चालक समिति सदस्यहरुमा गोपाल तामाङ्ग,अवधेश कुमार पाण्डे ,शुसिल प्रसाई र अन्जु कार्की चयन भएका हुन् । साधारण सभाले लेखा सुपरिवेक्षण समितिमा दिपक रिजाल,खेम पोखरेल र निर्मला थापालाई चयन गरेको छ । सभाले ऋण उप समिति र शिक्षा उप समिति समेत चयन गरेको छ ।

सञ्चालक समितिबाट संयोजक रहेने गरी  ऋण उप समित र शिक्षा उप समिति  चयन भएको छ । ती समितिको सदस्यहरुमा क्रमशः मनिस शिवाकोटी , उर्मिला कँडेल, नवराज प्रसाई र शिव कोइराला रहेका छन् । नव निर्वाचित अध्यक्ष पाठकले संस्थालाई सहकारी मूल्य, मान्यता र सिद्धान्त अनुसार सञ्चालन गरी समुदायको उत्कृष्ट र दिगो संस्था बनाउने प्रतिवद्धता जनाए । सहकारी माफर्त संकलित पुँजीलाई उद्यमशीलता र आय आर्जनको क्षेत्रमा लगानी गरी सदस्यको आर्थिक सामाजिक रुपान्तरणमा सघाउने उनले बताए ।