नवजागरण बचत तथा ऋण सहकारी संस्थाको साधारण सभा सम्पन्न भएको छ । रामेछापको मन्थलीमा रहेको नवजागरणले २५ औ बार्षिक साधारण सभा सम्पन्न गरेको हो । आश्विन ९ गते बाट १७ गतेसम्म सस्थाका कार्यक्षेत्रको विभिन्न स्थानमा क्षेत्रगत रुपमा वार्षिक साधारण सभा सम्पन्न गरि असोज २० गते मन्थलीको सामुदायिक आवास भवनमा सभा समापन गरेको हो । संस्थाका अध्यक्ष श्याम थापा तथा मन्थली नगर प्रमुख लब श्रेष्ठको प्रमुख आतिथ्यतामा सभा सम्पन्न भएको संस्थाले जनाएको छ ।
२५ औ बार्षिक साधारण सभाको अवसरमा संस्थाले नेपाल रेडक्रस सोसाईटी रामेछाप मन्थलीको प्राविधिक सहयोगमा रक्तदान कार्यक्रम समेत गरेको थियो । रजत बर्ष समेत भएकाले साधारण सभा संस्थाका ८० बर्ष माथिका ४९ जना सदस्यलाई सम्मान गरिएको थियो । संस्थाले बिभिन्न एकाई सभामा नै सम्मान गरी सम्मान गर्न बाँकी जेष्ठ शेयर सदस्यहरुलाई हिजो सम्मान गरिएको थियो । बिगतको बर्षमाझै सभामा असल ऋणी सदस्य र उत्कृष्ठ बचतकर्ता गरी ३० जना शेयर सदस्यलाई सम्मान गरिएको थियो ।
सभामा सस्थाका सचिव सोमेश थापाले निति तथा कार्यक्रमहरु प्रस्तुत गरेका थिए । सभामा आर्थिक वर्ष २०७९।०८० को अन्त्यमा संस्थाको कुल सम्पत्ति रु ६६ करोड ४८, लाख १९ हजार कुल बचत ५० करोड ५१ लाख ६६ हजार र शेयर पूँजी ४ करोड ७६ लाख पुगेको सभामा जानकारी दिइयो । संस्थाको लगानीमा रहेको ऋण ४० करोड ५२ लाख , संस्थागत पूँजी ६ करोड ३६ लाख र संचालन मूनाफा करकट्टी अघिको १ करोड २६ लाख रहेको विवरण कोषाध्यक्ष नारायण बहादुर कार्कीले सभामा प्रस्तुत गरेको थिए । साथै सभाले सदस्यहरुलाई ८.२५ प्रतिशतका दरले शेयर लाभांश वितरण गर्ने र संरक्षित पूँजी फिर्ता कोषबाट २० लाख ५९ हजार बचतमा योगदान गर्ने र ऋणमा योगदान गर्ने सदस्यहरुलाई वितरण गर्ने निर्णय सभाले गरेको छ ।
बिभिन्न संघ संस्थाका अतिथीगण,सहकारी अभियन्ता,पत्रकार,बुद्धिजीवी बर्ग साथै सस्थाका संचालक समिती पदाधिकारी,लेखा समिती,सल्लाहाकार समिती, उपसमितीहरु, कर्मचारी समुह र शेयर सदस्यहरुको उपस्थितिमा साधारण सभा सम्पन्न भएको हो ।
