नेपालपत्र संवाददाता
ललितपुर जिल्ला बचत तथा ऋण सहकारी संघको आयोजनामा सुरु भएको लेखा सुपरीवेक्षण गोष्ठीको पहिलो दिन विभिन्न विषयमा प्रशिक्षण दिइएको छ । गोष्ठीमा राष्ट्रिय सहकारी नियमन प्राधिकरणका विज्ञ सदस्य डा. रमेश चौलागाई,सहकारी प्रशिक्षक कुवेर निरौला र उत्प्रेरक रामजी अधिकारीले सहभागीहरुलाई प्रशिक्षण दिएका हुन् । लेखा समितिलाई क्षमतावान बनाई उनीहरुको भूमिकालाई संस्थामा प्रभावकारी बनाउन गोष्ठीको आयोजना गरिएको संघले जनाएको छ । गोष्ठी भोलीसम्म सञ्चालन हुने छ ।
