पोखरा रोयल बचत तथा ऋण सहकारी संस्थाले  ग्लोवल मनि विकको अवसरमा  अन्तरक्रिया कार्यक्रम आयोजना गरेको छ । संस्थाले पोखरा महानगरपालिका १२ माटेपानी स्थित इन्फोम्याटिक्स कलेजका स्नातक तहमा अध्ययनरत व्यवस्थापन संकायका विद्यार्थीहरुसँग छलफल र अन्तरक्रिया गरि कार्यक्रम  गरेको हो ।  

उक्त कार्यक्रममा विद्यार्थीहरुसंग वित्तिय साक्षरता, वित्तिय व्यवस्थापन र वित्तिय अनुशासन पालना सम्बन्धि विषयहरुमा छलफल गरिएको थियो । कार्यक्रममा संस्थाको बारेमा जानकारी गराउदै संस्थाका प्रमुख कार्यकारी अधिकृत भीम बहादुर गुरुङ्गले युवा अवस्थादेखि नै वित्तिय व्यवस्थापन र अनुशासनमा बस्न सकेमा वित्तिय वोझबाट मुक्त हुन सकिने बताए । संस्थाका सदस्य सेवा विभाग प्रमुख अभिषेक गुरुङ्गले वित्तीय साक्षरता विषयमा प्रशिक्षण  दिएका थिए । 

कार्यक्रममा इन्फोम्याटिक्स कलेजको व्यवस्थापन संकायका संयोजक अर्जुन सापकोटाले विद्यार्थीहरुलाई यस्ता कार्यक्रमले पाठ्यपुस्तक भन्दा बाहिरको ज्ञान हाशिल गर्न टेवा पुर्याउने र पोखरा रोयल सहकारीले  गर्ने यस्ता कार्यक्रमले विद्यार्थीहरु अझ लाभान्वित हुने बताए । वित्तिय साक्षरता र सचेतनाका विभिन्न गतिविधिहरु सहित सप्ताहभरि कार्यक्रम सञ्चालन गरिने संस्थाका सूचना अधिकारी मीलन ढकालले जानकारी दिए । 

नेपाल राष्ट्र बैंकको मार्गदर्शनमा प्रत्येक वर्ष सञ्चालन हुने ग्लोवल मनि विक अभियानमा पोखरा रोयल सहकारीले पनि आफ्नो सहभागिता जनाउँदै आएको छ । बालबालिका र युवाहरुमा वित्तीय साक्षरता अभिवृद्धि गर्दै वित्तीय ज्ञान, शीप मनोवृत्ति र व्यवहारको विकास गर्ने उद्धेश्यका साथ ओइसिडी  को संयोजनमा सन् २०१२ देखि हरेक वर्ष ग्लोवल मनी वीक विश्वभर मनाउदै आईरहेको छ ।