नवजागरण बचत तथा ऋण सहकारी संस्था लिमिटेड मन्थलीको २७औं वार्षिक साधारण सभाको तयारीका क्रममा   विस्तारित बैठक सम्पन्न  गरेको छ । संस्थाका अध्यक्ष सोमेश थापाको अध्यक्षतामा सम्पन्न उक्त बैठकमा पूर्वअध्यक्ष तथा सल्लाहकार श्याम थापा, सल्लाहकार जगन्नाथ दाहाल र नवराज पथिक लगायत सञ्चालक समिति, लेखा समिति, उपसमिति, शेयर सदस्य र कर्मचारीहरूको उल्लेखनीय उपस्थिति रहेको थियो।

बैठकमा संस्थाका व्यवस्थापक रमेश उदासले संस्थाको विगतका गतिविधिहरू प्रस्तुत गर्नुका साथै सचिव नारायणबहादुर कार्कीले आगामी कार्यक्रम र २७औं साधारण सभाको कार्यसूची प्रस्तुत  गरेका थिए । त्यसैगरी कोषाध्यक्ष भिमसेन थापाले आर्थिक प्रतिवेदन र आगामी आर्थिक वर्षको बजेट प्रस्ताव प्रस्तुत गरेका थिए । उक्त प्रस्तुतीहरूमा सहभागीहरूबाट आ–आफ्ना सुझाव र सल्लाहहरू राखिएका थिए।

सल्लाहकारहरूबाट सान्दर्भिक सुझाव प्रदान गर्दै २७औं वार्षिक साधारण सभा सफलताका लागि शुभकामना व्यक्त गरिएको थियो।
बैठकमा अध्यक्ष सोमेश थापाले उठेका प्रश्न र सुझावहरूलाई ग्रहण गर्दै नियामक निकायको निर्देशनको पूर्ण पालना गर्दै संस्था पारदर्शी र उत्तरदायी ढङ्गले अगाडि बढाउने प्रतिबद्धता व्यक्त गरे ।

कार्यक्रमको सञ्चालन सचिव नारायणबहादुर कार्कीले गरेका थिए । आगामी २७औं वार्षिक साधारण सभा २०८२ कार्तिक ९ देखि शुरु भई मन्थलीको तिनलाल पार्कमा कार्तिक १८ गते अन्तिम साधारण सभा सञ्चालन हुने तय गरिएको छ।