एक्सप्रेस बचत तथा ऋण सहकारी संस्थाले सत्रौ बार्षिक साधारणसभा तथा स्थापना दिवस सम्पन्न गरेको छ । संस्थाका अध्यक्ष ईश्वर के.सी.को सभापतित्वमा संचालक समिति, लेखा तथा सुपरिवेक्षण समिति तथा विभिन्न उपसमितिहरु, कर्मचारी  र सदस्यहरुको उपस्थितिमा साधारण सभा सम्पन्न गरेको हो ।  

संस्थाका सचिव उद्धव प्रसाद तिमल्सिनाले आ.व. २०८२\०८३ को लक्ष्य सहितको आ.व. २०८१\०८२ को सचिवको प्रतिबेदन र कोषाध्यक्ष प्रेम कुमार लामाले आ.व. २०८१\०८२ को बार्षिक बजेट सहित आ.व. २०८१\०८२ को वित्तीय विवरण र लेखा परिक्षण प्रतिबेदन प्रस्तुत गरेका थिए । त्यसैगरी लेखा तथा सुपरिवेक्षण समितिका  संयोजक पुजन श्रेष्ठले लेखा समितिको प्रतिबेदन थियो भने प्रमुख  प्रस्तुत गरेका थिए । संस्थाका कार्यकारी अधिकृत अरुण थापाले आफ्नो प्रतिबद्धता सहितको मन्तब्य राखेका थिए ।

 संस्थाका अध्यक्ष के.सी.ले संस्थप्रति सदस्यहरुले देखाएको विश्वास र सद्भावले एक्सप्रेस साकोसले समाजमा छुट्टै पहिचान  बनाउन सकेको बताए । उनले सदस्यहरु माझ सहज, सरल र सुरक्षित संस्था भएर आफ्नो विश्वास कायम गर्न सकेको समेत जनाए । उनले सो अवसरमा  सम्पूर्ण सदस्यहरु, सरोकारवाला निकाय र सदस्यहरु सबैलाई हार्दिक आभार ब्यक्त गरे । अध्यक्ष के.सी.ले ऐन–नियम र विनियमको परिधिमा रहि स्तरीय र दिगो संस्थाको रुपमा सदस्यहरुलाई केन्द्रमा राखी पूर्ण जिम्मेवारी र जवाफदेहिताका साथ सदस्य माझमा कार्य गर्ने प्रतिबद्धता समेत जनाए । अध्यक्ष के.सीले संस्थालाई वित्तीय रुपमा ठुलो बनाउने भन्दा पनि सदस्यहरुको माझमा स्वस्थ र सुरक्षित संस्थाको रुपमा पहिचान कायम गरि सहकारीका मुल्य, मान्यता र सिद्धान्तलाई परिपालना गर्दै अगाडि बढ्ने बताए । उनले 
राज्यद्धारा निर्देशित ऐन कानुनको दायरमा रहि संस्थालाई जिवन्तता प्रदान गर्नु नै मुल उद्देश्य रहेको भन्दैत्यसका लागि संस्थाले सदैव प्रयासरत रहेको बताए ।  

\संस्थाको आ.व. ०८१\०८२ को अन्त्यसम्म कुल सम्पत्ति तथा दायित्व रु.१७ करोड ३६ लाख  रहेको छ । संस्थामा शेयर पूँजी १ करोड ७७ लाख ६८ हजार रहेको छ । पल्र्स अनुसार संस्थामा ३३.५२ प्रतिशत  तरलता ब्यबस्थापन रहेको छ भने संस्थागत पूँजी १४ प्रतिशत माथि रहेको छ । संस्थाको बाह्य सापटी शुन्य रहेको छ भने यस आ.व.मा संस्थाले संचालन मुनाफा रु.४८ लाख ४१ हजार गरेको छ । संस्थाले जगेडा लगायत अन्य कोष हिसावहरुमा आ.व. को अन्यसम्ममा रु. ३ करोड ३४ लाख ९६ हजा सफल भए पु¥याउन सफल भएको छ । संस्थाले आ.व. २०८१\०८२ मा विभिन्न शिर्षक मार्फत राज्यकोषलाई २० लाख २६ हजार बराबरको करमा योगदान गरेको छ । साधारण सभामा सदस्यहरुसँग छलफल तथा अन्तरक्रिया गरी गत आर्थिक बर्षको आर्थिक प्रतिवेदन र यस आर्थिक बर्षको लागि नीति तथा कार्यक्रम पारित गरेको थियो ।