सूर्यविनायक नगरपालिका वडा न.४ गाम्चामा रहेको गाम्चा बचत तथा ऋण सहकारी संस्थाले शेयर सदस्यका छोराछोरीलाई सम्मान गरेको छ । संस्थाले २०८१ सालको एस ई. ई. परिक्षामा उत्तीर्ण भएका ३३ जना छात्रछात्रालाई सम्मान गरेको हो । संस्थाका अध्यक्ष विकास खड्काको अध्यक्षतामा भएको कार्यक्रममा उनीहरुलाई नगद,माला र प्रशंसापत्र प्रदान गरिएको थियो ।

विद्यार्थीहरुको लागि  नगद सम्मानको व्यवस्था “स्व.रामकृष्ण उमादेवी खड्का अक्षयकोष २०७९” ले गरेको थियो। संस्थाका सचिव विदुर खड्काले कार्यक्रमको सञ्चालन गरेका थिए । सम्मान कार्यक्रममा  सञ्चालक समिति, कर्मचारी र विद्यार्थीका अभिभावकहरुको  समेत उपस्थिति रहेको थियो । समुदाय र सदस्य केन्द्रीत वित्तीय कारोबार गर्दै आएको उक्त संस्थाले उमेर समुह अनुसार विभिन्न कार्यक्रम आयोजना गरी सम्मान गर्ने गरेको छ ।

संस्थाले एक्कल महिला, जेष्ठ सदस्य र फरक शारिरिक क्षमता भएका सदस्यहरुलाई समेत सम्मान तथा आर्थिक सहयोग गर्दै आएको अध्यक्ष खड्काले जानकारी दिए । संस्थाले आफ्नै सुविधा सम्मन्न भवनको निर्माण गरी सदस्यहरुलाई सहज र  आधुनिक  तरिकाले वित्तीय सेवा प्रदान गर्दै आएको छ ।