श्री सृजना महिला बचत तथा ऋण सहकारी संस्थाले २६ औं स्थापना दिवस मनाएको छ । मकवानपुर जिल्लाको इन्द्रसरोवर गाउँपालिका १ मार्खुमा रहेको उक्त संस्थाले २६ औं स्थापना दिवस मनाएको हो । संस्थाले स्थापना दिवसको अवसरमा सामाजिक उत्तरदायित्व अन्तर्गत आफ्नो कार्यक्षेत्र भित्र विभिन्न ठाउँमा जानकारीमूलक वोेड राखेको छ । २०५६ सालमा स्थापना भएको उक्त संस्थाले त्यस क्षेत्रका महिला सदस्यहरुको आर्थिक तथा सामाजिक रुपान्तरणका साथै नेतृत्व विकासमा समेत उल्लेख भूमिका खेल्दै आएको छ ।
संस्थाका व्यवस्थापक सुनिता कार्कीका अनुसार यस आर्थिक बर्षको साउन महिनासम्म १ हजार ८७ जना सदस्य आवद्ध रहेका छन् । संस्थाको शेयर पुँजी १ करोड १९ लाख ३० हजार,जगेडा कोष १ करोड ३२ लाख ९९ हजार र कुल संस्थागत पुँजी १ करोड ४१ लाख ३४ हजार पुगेको उनले जानकारी दिइन् । संस्थाले गत साउनसम्म १० करोड १० लाख बचत संकलन गरी ९ करोड ३३ लाख ऋण लगानी गरेको छ ।
संस्थाबाट ५ सय ५७ जना महिला सदस्यहरुले ऋण लिई विभिन्न पेशा तथा व्यवसाय गर्दै आएका छन् । संस्थामा तरलता रकम ३९ प्रतिशत माथि रहेको छ भने कुल सम्पत्ति १३ करोड ७९ लाख १० हजार पुगेको छ । संस्थागत पुँजी बलियो रहेको उक्त संस्थाले सहकारी मुल्य,मान्यता र सिद्धान्तलाई आत्मसात गरी अगाडि बढेको छ ।
