आइडियल बचत तथा ऋण सहकारी संस्थाका व्यवस्थापक बिनोद कुमार साफी मधेश प्रदेशकै उत्कृष्ट व्यवस्थापक बनेका छन् । नेफ्स्कूनले ३८ औ स्थापना दिवसको अवसरमा आयोजना गरेको कार्यक्रममा उनलाई मधेश प्रदेशकै उत्कृष्ट व्यवस्थापकको रुपमा पुरस्कृत गरेको हो ।

कार्यक्रमका प्रमुख अतिथि भूमि व्यवस्था, सहकारी तथा गरिबी निवारण मन्त्री बलराम अधिकारीले उनलाई मधेश प्रदेशको  उत्कृष्ट व्यवस्थापकको  पुरस्कृत प्रदान गरेका छन् । व्यवस्थापक साफी सहकारी क्षेत्रमा विगत १८ बर्षदेखि क्रियशिल छन् । सहकारी मार्फत् सदस्यको आर्थिक तथा सामाजिक रुपान्तरण सम्भव भएको बताउँदै उनले समुदायको उन्नतिमा सघाउने उदेश्यले सहकारी क्षेत्रलाई रोजेको प्रतिक्रिया दिए ।

नेफस्कूनले प्रदान गरेको यो पुरस्कारले सहकारी क्षेत्रमा लागि रहन थप उर्जा मिलेको उनले बताए । उनले नेतृत्व गरेको सहकारी संस्थामा १७ हजार ५ सय सदस्य आवद्ध रहेका छन् भने कुल सम्पत्ति १ अर्ब ५० करोड माथि पुगेको छ । संस्थाको शेयर पुँजी १ अर्ब २२ करोड, बचत संकलन १ अर्ब १३ करोड र ऋण लगानी ७४ करोड २२ लाख रहेको छ ।