भक्तपुर जिल्ला बचत तथा ऋण सहकारी संघका पूर्व संचालकबीच भावी रणनीति विषयक अन्तरक्रिया कार्यक्रम सम्पन्न भएको छ । संघका अध्यक्ष कृष्णगोविन्द लाखाजुले सरकारले सहकारी ऐन संशोधन गरी निर्देशन तथा मापडण्द जारी गरेर सहकारीलाई नियन्त्रण गर्नु स्वभाविक नभएको बताए। सहकारीलाई शुद्धिकरण गर्न वा दिगो बनाउनकै लागि ऐेन कानुन, निर्देशन र मापदण्ड जारी भएता पनि कतिपय व्यवस्थाले भईरहेको राम्रो पक्षलाई पनि समस्यामा ल्याउने उनको तर्क छ । अभियानले निर्देशन र मापदण्ड संशोधनका लागि निरन्तर बहस पैरवी गर्नुपर्नेमा उनको जोड छ ।

 उनले सहकारी ऐनका व्यवस्था प्रतिकुल हुने गरी जारी निर्देशन तथा मापदण्ड कार्यान्वयनमा नआउने भएकोले संशोधन हुनेमा विश्वस्त रहको जनाए । संघका संस्थापक अध्यक्ष राजेन्द्र दुमरुले संघले राइफेशन मोडल अनुसार सहकारीलाई अगाडी बढाउनुपन बताए । उनले सहकारी बैंक नभएकोले बैंकको मोडलमा सहकारी जान नहुने प्रष्ट पार्दै संघले प्रारम्भिक संस्थाहरुको समस्या पहिचान गरी समाधानका उपाय खोज्न मद्दत गर्नुपर्ने धारणा राखे । कार्यक्रममा स्वागत मन्तव्य दिदै संघका उपाध्यक्ष हरिकृष्ण बल्लले पूर्व संचालक बीच संघको भावी रणनीतिका विषयमा छलफल गरी संघको भावि रणनीति बनाउनमा टेवा पुग्ने बताए ।

संघका प्रमुख कार्यकारी अधिकृत बालकृष्ण धोजुले संघले विगत देखि गरेको उपलब्धीबारे प्रतिवेदन प्रस्तुत गदै संघको भावी रणनीति योजना अन्तर्गत नियमित बचत बढाउने, संघको सरदर शेयरलाई प्राथमिकता दिने, अनुगमन तथा निरिक्षणलाई बढावा दिने, बहस पैरवीे, सदस्य केन्द्रीत सेवा, वित्तीय साक्षरता तथा शिक्षा तालिम कार्यक्रमलाई निरन्तरता दिने, सामाजिक सुरक्षा कोषमा आबद्ध हुने लगाएतका भावि कार्यक्रमबारे प्रस्तुत  गरेका थिए । 

संघका पूर्व संचालकहरुले तरलता व्यवस्थापन, प्राविधिक सहयोग, बहस पैरवी लगाएतका विषयमा संघले खेलेको भुमिकाको प्रशंसा गरी निरन्तरताको कामना गरे । साथै सहकारी अभियानलाई बचाउन सहकारीलाई कारोबारका आधारमा वर्गिकरण, लगानीे क्षेत्र पहिचान लगाएतका विषयमा संघ लाग्नुपर्ने विचार व्यक्त गरे । उक्त कार्यक्रममा संचालक समिति, लेखा सुपरिक्षण समिति,  पूर्व संचालक र कर्मचारी सहित ३० जनाको सहभागिता  रहेको थियो ।