श्री बाराही बचत तथा ऋण सहकारी संस्थाले एक हप्ते सार्वजनिक सम्बोधन कला तालिम  सम्पन्न गरेको छ ।   सदस्य तथा बचत उपसमितिको आयोजनामा संस्थामा आवद्ध सदस्य, समिति, उपसमिति एवं कर्माचारीहरुले आफ्नो मनमा लागेका कुराहरुको सहि तरिकाले प्रस्फुटन गराउन सहयोग पुगोस् भन्ने उद्देश्यले तालिम आयोजना गरिएको हो ।

  संस्थाका अध्यक्ष राधेश्याम सुवालको प्रमुख आतिथि, व्यवस्थापक शिवजी हाकुदुवाल र प्रशिक्षक रविन्द्र प्रसाद कुसीको आतिथ्यतामा उपसमितिका संयोजक सर्मिला मानन्धरको सभाध्यक्षमा तालिम  कार्यक्रम सम्पन्न भएको छ । कार्यक्रममा प्रमुख अतिथि संस्थाका अध्यक्ष   सुवालले अहिलेको परिस्थितिमा सहकारी क्षेत्रमा आएको समस्याहरु निराकरण गर्न राष्ट्रिय सहकारी नियमन प्राधिकरणले जारी गरिएको नियमकिय मापदण्डले सहकारी अभियानलाई कमजोर र संकुचनमा ल्याउने  बताए । उनले  राम्ररी संचालन भइरहेका  सहकारी संघ संस्थाहरुलाई पनि  मापदण्डले समस्याग्रत बनाउने सम्भावना रहेको बताए । यस वाककला तालिमबाट सिकेका सिकाई आफ्नो जीवनको हरेक पाइलामा प्रयोग गरेको खण्डमा तालिमको सार्थकता हुने  उनको भनाई छ । संस्थाप्रति सदस्यले राखेको सकारात्मक सोचले गर्दा संस्था यहाँसम्म आइपुगेको र भविष्यमा पनि यस्तै साथ सहयोगको अपेक्षा उनको छ ।

  संस्थाले बचत तथा ऋणको कार्य मात्र  नगरी सामाजिक, साँस्कृतिक, तालिम, शिक्षा, स्वास्थ्य, व्यवसाय आदिको उत्थानको लागि कार्य गर्दै आएको उनको भनाई छ ।  संस्थाका व्यवस्थापक शिवजी हाकुदुवालले समापन तालिमलाई अझ सार्थकता दिनको लागि ७ “अ” को सिद्धान्तबाट पनि वाक कलालाई  राम्रो गर्न सकिने बताए । संस्थाबाट आयोजित कार्यक्रमको उद्देश्य वित्तिय फाइदाको लागि नभएर सदस्यको व्यक्तित्व विकास गराई अप्रत्यक्ष रुपमा सदस्यहरुलाई आर्थिक उपार्जन गराउने रहेको उनको भनाई छ । सिकेका ज्ञान सिप, कला अरुलाई हस्तान्तरण गरी नयाँ व्यवहार र सँस्कृति विकास गर्नुपर्ने धारणा उनको छ ।

तालिमका प्रशिक्षक रविन्द्र प्रसाद कुसीले  शिक्षकसँग भएको ज्ञान सिपलाई सामथ्र्यले भ्याएसम्म विद्यार्थीलाई दिन प्रयास गर्ने उल्लेख गरे । तालिममा सहभागि प्रशिक्षार्थीहरुले प्रारम्भको दिन र समापनको दिन सम्म आइपुग्दा धेरै प्रगति भएको उनको बुझाई छ ।  समापन कार्यक्रममा सदस्य तथा बचत उपसमितिका सदस्य एवं प्रशिक्षार्थी जमुना त्वानाबासुले स्वागत मन्तव्य तथा सहभागि प्रशिक्षार्थीहरु क्रमशः रामलक्ष्मी प्रजापति, रवि ध्वजु, जेनि दुवाल, बिष्णु केशरी ताम्रकारले तालिममा सिकेका कुराको बारेमा आ आफ्नो अनुभव साटेका थिए । असार १ गते सुरु गरिएको तालिम  असार ८ गते समापन गरिएको थियो ।