भक्तपुरमा रहेको शुभकामना बचत तथा ऋण सहकारी संस्थाले शाताव्यापी कार्यक्रमको आयोजना गरी रजतबर्ष मनाउने भएको छ । 
संस्थाले जेठ १७ गतेदेखि २४ गतेसम्म विविध कार्यक्रम गरी रजतबर्ष मनाउन लागेको हो ।

रजत बर्षको अवसरमा संस्थाले जेठ १७ गते बाल मनोविज्ञान सम्बन्धी अभिमूखिकरण,१९गते जेष्ठ सदस्यलाई तिर्थटान,२० गते रक्तदान तथा सुगर परिक्षण र २१ गते ब्याडमिन्टन प्रतियोगिता गर्ने भएको छ । त्यसैगरी २२ गते भक्तपुरका ऐतिहासिक क्षेत्रको सरसफाई र २३ गते प्रभातफेरी ¥याली र २४ गते समापन कार्यक्रम  गरी रजतबर्ष मनाउने भएको छ ।

 संस्थाले विगतका बर्षहरुमा पनि विविध कार्यक्रम आयोजना गरी स्थापना दिवस मनाउने गरेको थियो । समुदाय र सदस्य केन्द्रीत वित्तीय कारोबार गर्दै आएको उक्त संस्थाले सदस्यहरुको आर्थिक, सामाजिक तथा सांस्कृतिक उन्नतीको लागि सहयोग पु¥याउँदै आएको छ ।

संस्थाले प्रकाशित गरेको यस आर्थिक बर्षको बैशाख महिनासम्मको वित्तीय विवरण अनुसार शेयर पुँजी ११ करोड ५६ लाख, जगेडा कोष १५ करोड ८५ लाख, संस्थागत पुँजी १६ करोड ३० लाख र  अन्य कोष  ६३ लाख २० हजार रहेको छ । त्यसैगरी संस्थाले १ अर्ब ३८ करोड ३३ लाख ४४ हजार बचत संकलन गरी १ अर्ब ८ करोड २६ लाख ऋण लगानी गरेको छ । संस्थामा ९ हजार ७४८ सदस्य र १ हजार १२५ बाल सदस्य आवद्ध रहेका छन् । संस्थाको कुल सम्पत्ति १ अर्ब ७८ करोड ४३ लाख पुगेको छ ।