लक्ष्मी महिला बचत तथा ऋण सहकारी संस्थाले २७ औं स्थापना दिवस मनाएको छ । संस्थाकी अध्यक्ष हिमाली श्रेष्ठको  अध्यक्षतामा भएको कार्यक्रमको प्रमुख अतिथि बागमती प्रोस्कूनका अध्यक्ष उद्धव सापकोटा रहेका थिए । अध्यक्ष  सापकोटाले  दिगो र स्थायी संस्था बनाएर सदस्यहरुको जीवनस्तर उकास्नसंस्था लाग्नु पर्ने बताए । उनले  सहकारी अध्यादेश र राष्ट्र बैंकद्धारा जारी  निर्देशन तथा मापदण्डको बारेमा जानकारी दिदैँ सो निर्देशन पालनाका लागि सुझाए ।

कार्यक्रमकी अथिति तथा जिल्ला सहकारी संघकी उपाध्यक्ष  शान्ति लामाले  जिल्लामा महिलाहरुद्धारा संञ्चालित संस्था  मध्ये लक्ष्मी महिला दिगो तथा सक्षम भएको देख्न पाउाँदा गौरवान्वित महशुस भएको बताइन् । त्यसैगरी जिल्ला बचत संघ काभ्रेका उपाध्यक्ष सागरनाथ कपालीले  संस्थाले  शुरुवाती अवस्था देखि नै समुदायमा आधारित रहेर कार्य गर्दै आएकाले संस्था सबले बन्न सकेको बताए ।  संस्थाकी सचिव सकुन्तला श्रेष्ठले संस्था स्थापना कालदेखि हाल सम्मको अवस्थाको बारेमा जानकारी गराएकी थिइन्। संस्था समुदायमा आधारित  भएर संञ्चालित  भएकाले  दिगो र विश्वासिलो  संस्थाको रुपमा स्थापित भएका उनको भनाई छ ।  

 अध्यक्ष  श्रेष्ठले संस्थाको  कुल  सम्पत्ति ३२ करोड  पुुगेको बताउँदै सस्थामा ३ हजार ३ सदस्य सदस्य, ३ करोड शेयर पुँजी र २६ करोड बचत संकलन  गरेको जानकरी दिइन् । संस्थाले सामजिक उत्तरदायित्व  अन्तरगत सो अवसरमा  मठमन्दिरको जर्गेना तथा सरसफाई कार्यक्रम समेत आयेजना गरेको थियो । सो अबसरमा  बनेपा हेल्थ केयरको प्राविधिक सहयोगमा मधुमेह तथा प्रेसर जाँच सम्बन्धी  हेल्थ क्याम  आयोजना गरिएको थियो  ।