नेपालपत्र संवाददाता
पाँच तारा बचत तथा ऋण सहकारी संस्थाले वृहत रक्तदान कार्यक्रम आयोजना गर्ने भएको छ । ६८ औं राष्ट्रिय सहकारी दिवस तथा १७ औं वार्षिकोत्सवको अवसरमा संस्थाले वृहत रक्तदान कार्यक्रम आयोजना गर्ने भएको हो ।
संस्थाले यही चैत्र २० गते संस्थाको कार्यालय परिसरमा रक्तदान गर्न लागेकाले सम्पूर्ण सदस्यहरुलाई सहभागी हुन आग्रह गरेको छ । नेपाल रेडक्रस सोसाइटी भक्तपुर शाखाको प्राविधिक सहयोगमा रक्तदान कार्यक्रम गरिने भएको छ । संस्थाले विगत १७ बर्षदेखी निरन्तर रुपमा रक्तदान गर्ने गरेको छ ।
विगतमा संस्थामा आवद्ध सयौं सदस्यहरुले रक्तदान कार्यमा सहभागी जनाई सकेको र यस पटक पनि उत्साहजनक सहभागिता रहने व्यवथापक राधा कडरियाले बताइन् । रक्तदानमा सहभागी हुनेहरुलाई प्रमाण पत्र र टि सट प्रदान गरिने छ ।
