नवजागरण बचत तथा ऋण सहकारी संस्थाले महिला स्वास्थ्य सचेतना कार्यक्रमको आयोजना गरेको छ । संस्थाले ११५ औं अन्तर्राष्ट्रिय महिला दिवसको अवसरमा उक्त कार्यक्रम आयोजना गरेको हो । सो अवसरमा महिलाहरुलाई स्वास्थ्य सचेतना सम्बन्धि जानकारीमूलक प्रशिक्षण दिनुका साथै  उनीहरुको स्वास्थ जाँच गरी आवश्यक परामर्श समेत प्रदान गरिएको थियो । उकत कार्यक्रममा संस्थामा आवद्ध महिला सदस्यहरुको उल्लेख  सहभागिता रहेको थियो ।

मन्थली नगरपालिका ७ ठेडी खोलामा महिला स्वास्थ्य सचेतना कार्यक्रम गरेको संस्थाका सहायक व्यवस्थापक रामचन्द्र बुढाथोकीले जानकारी  दिए  । कार्यक्रममा संस्थाकी सह सचिव कविता श्रेष्ठ¸ सञ्चालक सदस्य मनीषा माझी,लेखा समिति सदस्य हसना पहरी¸ महिला उपसमिति सदस्यहरू कविता सुवेदी र कविता दाहाल¸ सहायक व्यवस्थापक रामचन्द्र बुढाथोकी¸ कर्मचारी बुद्धिमाया माझी तथा स्वास्थ्यकर्मीको उपस्थिति रहेको थियो ।

कार्यक्रममा संस्थाका सहायक व्यवस्थापक बुढाथोकीले नवजागरण साकोसले गरेका गतिविधिका वारेमा जानकारी गराएका थिए । कार्यक्रममा प्रजनन स्वास्थ्य र सामाजिक प्रभाव सम्बन्धी सचेतनाका विषयमा स्वास्थ्यकर्मी लक्ष्मी कुमारी थापा तथा हसना पहरी जानकारी दिएका थिए । कार्यक्रममा १ सय २८ जनाको ब्लड प्रेसर सुगर तथा पिसाब परीक्षण गरिएको थियो । कार्यक्रम नवजागरण साकोसको महिला उपसमितिको आयोजनामा सम्पन्न भएको हो ।