सगुन बचत तथा ऋण सहकारी संस्थाले उद्यमी महिलाहरुलाई सम्मान गरेको छ । संस्थाको महिला उपसमितिको आयोजनामा आज  ११५ औं अन्तराष्ट्रिय महिला दिवसको अवसरमा भएको कार्यक्रममा महिला उद्यमीहरुलाई सम्मान गरेको हो । महिला उपसमिति संयोजक बाला कुमारी थापा मगर खड्काको अध्यक्षतामा हरिवन नगरपालिकाको नगर उपप्रमुुख  हरिमाया घलानको प्रमुख आतिथ्यतामा  कार्यक्रम भएको हो ।

सो अवसरमा  जुत्ता चप्पल विक्रि वितरण गर्ने सुुमित्रा सार्की,नाम्लोडोरी विक्रि वितरण गर्ने चम्पादेबी ढुंगेल,फलफुुल विक्रि वितरण गर्ने पवनी देवी साहा, होटल व्यवसाय गर्ने सुकुमाया माझी र होटल व्यवसाय गर्ने चण्डिका मगरलाई सम्मान गरिएको संस्थाले जनाएको छ ।  

सो अवसरमा  उद्यमशिलता गरि महिला सशक्तिकरणमा सहयोग पुुर्याउने पाँच जना महिला सदस्यहरुलाई सम्मान गरिएको थियो । उक्त अवसरमा ‘सबै महिला तथा बालिकाको लागिः अधिकार, समानता र सशक्तिकरण’ भन्ने मुल नाराको परिवेशमा अन्तरक्रिया  भएको थियो । महिला उपसमति सदस्य संगिता लामाले स्वागत मन्तव्य र सदस्य  अनिता कुुमारी कर्णले शुुभकामना मन्तव्य राखेकी थिइन् ।संस्थाका अध्यक्ष  केशव प्रसाद ढकालले समान अधिकार र महिला सशक्तिकरण विषयमा प्रस्तुुति राखेका थिए । उक्त कार्यक्रममा महिला सशक्तिकरण सम्बन्धि रोचक भिडियो र कर्मचारी  मिना कुुमार श्रेष्ठ तथा सम्झना कुुमारी दहालले स्वागत नृत्य गरेकी थिइन् ।  कार्यक्रम संचालन कर्मचारी  शोभा न्योपानेले गरेकी थिइन्।