लक्ष्मी महिला बचत तथा ऋण सहकारी संस्थाले ‘संञ्चालक क्षमता बिकास तथा रणनीतिक व्यवसायिक योजना निमार्ण कार्यशाला गोष्ठी ’आयोजना गरेको छ ।  नेफ्स्कूनको प्राविधिक सहयोगमा  ४ दिनसम्म उक्त कार्यशाला गोष्ठी सञ्चालन  भएको थियो ।  

 नेफ्स्कूनको  अधिकृत कोमलराज अधिकारी र तालिम अधिकृत  रबिन्द्र श्रेष्ठले  गोष्ठीमा सहजिकरण  गरेका थिए  । ४ दिनको तालिम अन्तर्गत ३ दिन रणनीतिक योजना निर्माण  र १ दिन संञ्चालक क्षमता बिकास तालिम अन्तर्गत संञ्चालक समिति,लेखा सुपरीवेक्षण समिति तथा व्यवस्थापनको भूमिका ,काम कर्तव्य अधिकार, सिप तथा जिम्मेवारीका विषयमा प्रशिक्षण  दिइएको थियो ।

कार्यक्रको समापनमा  बोल्दै संस्थाकी संस्थापक अध्यक्ष  तिर्थमाया श्रेष्ठ(प्रधान)ले  पाँचौ रणनीतिक योजनाको पूर्ण सफलताको  कामना गरिन्  । संस्थाकी निवर्तमान अध्यक्ष  मैया महतले संस्थामा परिवर्तित दक्ष संञ्चालक समिति तथा जिम्मेवार कर्मचारीहरुको पहल र सम्पुर्ण शेयर सदस्यहरुको साथ सहयोगले नै लक्ष्य हासिल गर्न  सकिने धारणा राखिन् ।  त्यसका लागि व्यवस्थापनलाई संञ्चालक समितिले जुनसुकै बेला साथ  दिन तयार रहनु पर्नेमा उनले जोड दिइन् । 

लेखा समिति र कर्मचारीले दतचित्त भै कार्य गरि आगामी ४ वर्षको लागि तयार पारिएको रणनीति पूर्ण गराउन उनको सुझाव छ ।  संस्थाकी अध्यक्ष  हिमाली श्रेष्ठले सम्पूर्ण शेयर सदस्य एवं अग्रजहरुको साथ र  संञ्चालक समिति, लेखा सुपरीवेक्षण समिति र  कर्मचारीहरुको अथक प्रयासले मात्र संस्थाले लक्ष्य प्राप्त गर्न  सकिने जनाइन् ।  सदस्य सेवामा रहि समूदायको हित हुने गरि कार्य गरि समुदायको मन  जितेर अगाडि  बढ्ने उनको भनाई छ । समुदायको उत्कृष्ट सहकारी बनाउने  र त्यसको लागि सबैको साथ र सहयोगको उनले अपेक्षा गरिन् ।