श्री मनकामना बचत तथा ऋण सहकारी संस्थाले पौष मसान्तसम्मको वित्तीय विवरण सार्वजनिक गरेको छ । संस्थाले सहकारी विभागले जारी गरेको निर्देशन अनुसार पौष समान्तसम्मको अपरिस्कृत वित्तीय विवरण सार्वजनिक गरेको हो । संस्थाले प्रकाशित  गरेको विवरण अनुसार शेयर पुँजी १६ करोड १३ लाख ८३ हजार, जगेडा कोष ११ करोड ७५ लाख, कुल संस्थागत पुँजी १२ करोड ९६ लाख ४८ हजार र अन्य कोषहरुमा १ करोड ४८ लाख ५६ हजार रहेको छ ।

संस्थाले प्रकाशित गरेको प्रतिवेदनमा बचत संकलन १ अर्ब ९९ करोड ९० लाख र ऋण लगानी १ अर्ब ८० करोड ११ लाख ८१ हजार रहेको छ । त्यस अवधिमा संस्थाको कुल सम्पत्ति २ अर्ब ३९ करोड ६४ लाख पुगेको छ । संस्थामा २४.३४ प्रतिशत अर्थात ४८ करोड ६५ लाख ४६ हजार तरलता रहेको छ । संस्थामा ९ हजार ७२७ जना सदस्य आवद्ध रहेका छन् भने २ हजार १६७ जना सदस्यले संस्थाबाट ऋण लिएका छन् ।

पछिल्लो  समय संस्थामा तरलता रकम बढेर गएको छ । आर्थिक क्रियाकलापमा आएको मन्दीका कारण सदस्यहरुबाट ऋणको माग नहुँदा संस्थामा तरलता बढेर गएको  प्रमुख कार्यकारी अधिकृत राजकुमार दाहालले बताए ।