सगुन बचत तथा ऋण सहकारी संस्थाको आयोजना तथा नेपाल बचत तथा ऋण केन्द्रीय सहकारी संघको प्राविधिक सहयोगमा द लिडरशिप बुटक्याम्प सुरु भएको छ । आजबाट पोखरामा शुरुमा भएको बुट क्याम संस्थाका अध्यक्ष केशव प्रसाद ढकालको अध्यक्षता तथा नेफ्स्कूनकी सञ्चालक कमला देवी गिरीको प्रमुख आतिथ्यतामा भएको हो ।
संस्थाका ३३ जना संचालक,लेखासमिति, सल्लाहकार,विभिन्न उपसमिति र कर्मचारीहरुको उपस्थिति रहेको छ । उद्घाटन सत्रमा कोषाध्यक्ष पदमा मोक्तानले स्वागत मन्तव्य राखेका थिए । कार्यक्रममा सल्लाहकार बिदुर कुमार प्याकुरेल, लेखा संयोजक जय शंकर सिंह र उपाध्यक्ष राजकुमार उप्रेतीले शुभकामना मन्तव्य राखेका थिए । कार्यक्रममा प्रमुख अतिथि गिरीले बुट क्याम्पले नेतृत्व विकासमा निखार ल्याउने बताइन् ।
सरकारले ल्याएको सहकारी विधेयकमा धेरै राम्रो पक्ष रहेको र बचतमा लगाएको क्यापको विषयमा अभियानले निरन्तर पदल गर्ने बताइन् । संस्थाका सचिव बिनोद कार्कीले कार्यक्रम संचालन गरेका थिए । तालिमको सहजीकरण प्रशिक्षकहरु सुमनराज घिमिरे र उमेश कोईरालाले गरेका छन् । क्याम १५ देखि १७ गते सम्म संचालन हुनेछ ।
