नेपालपत्र संवाददाता
कुमारी बैंक लिमिटेडले आफ्नो एटीएम तथा पीओएस टर्मिनलहरूमा युनियनपे इन्टरनेसनल (युपीआई)का कार्डहरु स्वीकार गर्ने भएको छ ।
डिजिटल भुक्तानी प्रणालीलाई प्रवर्द्धन गर्दै ग्राहकहरुलाई थप सहज, सुरक्षित र आधुनिक बैंकिङको अनुभव उपलब्ध गराउन कुमारी बैंकले देशभर आफ्ना सबै एटीएम तथा पीओएस टर्मिनलहरूमा उपलब्ध गराउन लागेको हो ।
यो सुविधाबाट अब युपीआई कार्ड प्रयोगकर्ताहरूले कुमारी बैंकको एटीएम मार्फत रकम झिक्न र पीओएस टर्मिनल मार्फत खरिद भुक्तानी गर्न सहज हुने र यसले व्यापारीहरुलाई पनि लाभ हुने बैंकले विश्वास लिएको छ ।
डिजिटल नेपालको अभियानमा थप योगदान पुर्याउन बैंकले आफ्नो सेवाको दायरा फराकिलो बनाउँदै प्रतिबद्धता व्यक्त गरेको छ ।
