सक्रिय महिला बचत तथा ऋण सहकारी संस्थाको आयोजनामा अभिमुखीकरण कार्यक्रम सम्पन्न भएको छ । संस्थाको आयोजना र  इन्द्रसरोवर गाउँपालिकाको आर्थिक सहयोगमा एक दिवसिय अभिमुखीकरण कार्यक्रम सम्पन्न भएको हो ।

“हामी सबैको प्रतिबद्धता लैंगिक हिंसा विरूद्धको ऐक्यबद्धता” भन्ने नाराका साथ लैङ्गिक हिंसा विरुद्धको १६ दिने अभियानको अवसरमा   वाल विवाह न्युनिकरण सम्बन्धी अभिमुखीकरण कार्यक्रम आयोजना गरिएको हो ।  इन्द्रसरोवर गाँऊपालिका कार्यालयकी उपाध्यक्ष उमा कुमारी लामाको प्रमुख आथित्यता र कार्यपालिका सदस्य  सबित्री सुनार र शोभा कामीको आथित्यतामा अभिमुखीकरण कार्याक्रम सम्पन्न भएको हो ।

कार्यक्रममा बागमती प्रदेश बचत तथा ऋण सहकारी संघ (प्रोस्कून )उपाध्यक्ष  तथा जिल्ला बचत तथा ऋण सहकारी संघकी  अध्यक्ष  कल्पना श्रेष्ठ र संस्थाकी  अध्यक्ष  श्रमिक लामाले सहजीकरण गरेका थिए । संस्थाले महिला सदस्यहरुलाई लक्षित गरेर विभिन्न संघ संस्थासँगको सहकार्यमा यस्ता कार्यक्रम गर्दै आएको छ । त्यस क्षेत्रका महिलाहरुलाई संगठित गरी संस्थाले आर्थिक तथा सामाजिक रुपान्तरणमा समेत उल्लेख योगदान गरेको छ । महिला हिंसा अन्त्य र महिला सशक्तिकरणमा समेत संस्थाले त्यस क्षेत्रमा अनुकरणिय कार्य गर्दै आएको जनाएको छ ।