ललितपुरको आयाम बचत तथा ऋण सहकारी संस्था  सम्मानित भएको छ । ललितपुर जिल्ला बचत तथा ऋण सहकारी संघले ३० औं बार्षिक साधारण सभाको अवसरमा ‘ उत्कृष्ट कारोबारी’   संस्थाको रुपमा सम्मानित गरेको हो ।

संघका अध्यक्ष रामहरी बजगाई र कार्यक्रमका प्रमुख अथिति  भूमि व्यवस्था , सहकारी तथा गरिबी निवारण मन्त्री बलराम अधिकारीले वर्षको उत्कृष्ट कारोबार गर्न सफल  भएको भन्दै उक्त  संस्थालाई  सम्मानित  गरेका हुन्। संस्थाका अध्यक्ष  गणेश नेपाल  र सञ्चालक समितिले सम्मान  पत्र ग्रहण गरेका थिए ।

संस्थाले सहकारी मूल्य, मान्यता र सिद्धान्तमा रहेर सदस्य र समुदायको आर्थिक तथा सामाजिक रुपान्तरणमा भूमिका खेल्दै आएको छ । मुलुकमा आएको आर्थिक मन्दी र सहकारी क्षेत्रमा आएको वित्तीय संकटका बीचमा पनि संस्थाले सदस्यहरुको विश्वास जितेको कारण उक्त सम्मान प्राप्त गर्न सफल भएको हो ।