ठेचो महिला जागरण बचत तथा सहकारी संस्था सम्मानित भएको छ । ललितपुर जिल्ला बचत तथा ऋण सहकारी संघको ३० बार्षिक  साधारण सभाको अवसरमा संस्था ‘उत्कृष्ट सहकारी पुरस्कार २०८१ ’बाट सम्मानित भएको हो ।

सहकारी मूल्य, मान्यता र सिद्धान्तमा रहेर सदस्य तथा समुदायको आर्थिक तथा सामाजिक रुपान्तरणमा संस्थाले खेलेको भूमिकाको कदर गर्दै उक्त संस्थालाई संघले सम्मान गरेको जनाएको छ । संघका अध्यक्ष रामहरी बजगाई र कार्यक्रमका प्रमुख अथिति भूमि व्यवस्था, सहकारी तथा गरिबी निवारण मन्त्री बलराम अधिकारीले संस्थाका सञ्चालक समिति र व्यवस्थापन प्रमुखलाई सम्मान पत्र प्रदान गरेको थिए ।   संस्थाले  महिला सदस्यहरुको आर्थिक सवलिकरण, नेतृत्व विकास, तथा  सशक्तिकरणमा निरन्तर रुपमा सकृय  भूमिका  खेल्दै आएको छ ।  

 गोदावरी नगरपालिका भित्र रहेका सहकारी संस्था मध्येबाट  उत्कृष्ट  संस्थाको रुपमा सम्मान गरेकोमा संस्थाले आभार प्रकट गरेको छ ।  यो विषम परिस्थितिमा पनि सधै  विश्वास गरी  नियमित कारोबार गर्ने सदस्य,संचालक समिति , लेखा समिति, उप समितिहरु तथा व्यवस्थापन लगायत सम्पुर्ण कर्मचारीहरुलाई संस्थाले  धन्यबाद तथा बधाई  ज्ञापन गरेको छ ।