नेपालपत्र संवाददाता
नेपाल राष्ट्र बैंकले आज ४० अर्ब रुपैया निक्षेप संकलन उपकरणमार्फत् खिच्ने भएको छ ।
कात्तिक ७ बुधबार रु.४० अर्बको निक्षेप संकलन बोलकबोल हुने बारेको सूचना राष्ट्र बैंकले प्रकाशित गरेको हो । ७ दिनको लागि जारी निक्षेप संकलन उपकरण कार्तिक १४ गते साँवाव्याजसहित भुक्तानी हुनेछ ।
नेपाल राष्ट्र बैंकबाट इजाजतपत्र प्राप्त “क”, “ख” र “ग” वर्गका बैंक तथा वित्तीय संस्था मात्र बोलकबोलमा सहभागी हुन पाउने छन् ।
निक्षेप संकलनको बोलकबोलमा निक्षेपवापत जम्मा गर्न चाहेको रकम र ब्याजदर उल्लेख गर्नुपर्नेछ । रकम बाँडफाँड गर्दा बोलबमोजिम सबैभन्दा कम ब्याजदरलाई पहिलो प्राथमिकता क्रममा राखी आव्हान गरेको रकमसम्म क्रमशः बाँडफाँड गरिने राष्ट्र बैंकले जनाएको छ ।
