नेपालपत्र संवाददाता
राष्ट्रिय वाणिज्य बैंक लिमिटेड र एमएडब्ल्यु–वृद्धि मोटर्स प्रा.लि. बीच विद्युतीय गाडीमा कर्जा लगानी गर्ने सम्बन्धमा सम्झौता भएको छ।
सम्झौता अनुसार वार्षिक ७.७७ प्रतिशत स्थिर ब्याजदरमा निजी सवारीको नामी र सेरेस गाडीका लागि मासिक किस्ताबन्दीमा कर्जा भुक्तानी गर्ने गरी बैंकले अधिकतम एक करोड रुपैंयासम्म कर्जा लगानी गर्नेछ ।
कर्जा रकमको ०.७५ प्रतिशत सेवा शुल्क लाग्ने छ । गाडीको कोटेशनमा अंकित मुल्यको विद्युतीय गाडीको बढिमा ८० प्रतिशतसम्म बैंकले कर्जा लगानी गर्ने छ भने बढिमा सात वर्षसम्म कर्जा अवधि दिइने यो सम्झौता २०८१ कात्तिक मसान्तसम्म मात्र लागू हुने बैंकले जनाएको छ ।
