राजनीतिक भागबन्डामा बागमती प्रदेश सहकारी संघको नयाँ सञ्चालक समिति चयन भएको छ । संघको आज सम्पन्न भएको चौथो साधारण सभाले चार बर्षे कार्यकालको लागि नयाँ सञ्चालक समिति चयन गरेको हो ।

सर्वसम्मत रुपमा नयाँ सञ्चालक समिति चयन गरिएको संघमा नेकपा एमाले निकट सहारीकर्मीलाई ९,नेपाली काग्रेस निकटलाई ६ र माओवादी केन्द्र एवं नेकपा समाजवादी निकटलाई २/२ पद दिइएको छ । सहकारी बुझेका र अभियानलाई गति दिन सक्ने व्यक्ति संघको सञ्चालक बन्नु पर्नेमा राजनीतिक भागबन्डामा संघहरुको नेतृत्व चयन हुने गरेको छ । पाटीको कुनै पनि पदमा पुग्न नसकेका व्यक्तिहरुलाई सहकारी संघ  संस्थाको सञ्चालक बनाउने परिपाटीको विकास हुँदै गएको छ ।

जसकारण नेपालको सहकारी अभियानले गुणात्मक फड्को मार्न सकेको छैन भने पछिल्लो समय सहकारी अभियान बदनाम बन्न पुगेको छ । सहकारी सर्वसाधारण जनताको लागि भनिए पनि पाटी र तिनका कार्यकताको पेवा बन्न जाँँदा यसको गरिमा घट्दै गएको छ  । सभाले रामशरण शर्माको अध्यक्षतामा नयाँ सञ्चालक समित चयन गरेको हो । शर्मा यस अघि पनि संघको अध्यक्ष रहेका थिए । संघमा  अधिकांश पदधिकारीहरु दोहोरिएका छन् । संघमा १६ जना सञ्चालक  र ३ जना लेखा सुपरीवेक्षण समिति गरी १९ जनाको सञ्चालक समिति रहेको छ ।