नेपाल राष्ट्र बैंकले आज बैंकिङ प्रणालीबाट ४० अर्ब निक्षेप प्रशोचन गर्ने भएको छ । बैंकिङ प्रणालीमा अधिक तरलता भएपछि केन्द्रीय बैंकले समयसमयमा निक्षेप संकलन उपकरणमार्फत रकम तानिरहेको छ ।

यो बैंक तथा वित्तीय संस्थाले निक्षेप जम्मा गर्न आज ३ बजेसम्म अनलाइन मार्फत बोलकबोल गर्न सक्कनेछन् । २१ दिने निक्षेप संकलन उपकरणमार्फत खिचिने रकमको सावा ब्याज भुक्तानी असोज ९ गते केन्द्रीय बैंकले गर्नेछ । 

घटीमा १० करोड र बढीमा ५ करोड रुपैयाँले भाग गर्दा निःशेष भाग जाने गरी कुल आव्हान रकमसम्म बोलकबोल गर्न सकिनेछ । यो निक्षेपलाई अन्य बैंक तथा वित्तीय संस्थामा धितोको रूपमा समेत प्रयोग गर्न सकिने छ ।

निक्षेप संकलनको लागि आव्हान गरिएको रकम बाँडफाँट गर्दा बोलबमोजिम सबैभन्दा कम ब्याजदरलाई पहिलो प्राथमिकता क्रममा राखी आव्हान गरेको रकमसम्म क्रमशः बाँडफाँट गरिनेछ केन्द्रीय बैंकले जनाएको छ ।