नागरिक लगानी कोषको २९ औं वार्षिक साधारणसभा सम्पन्न भएको छ । सभाले आर्थिक बर्ष २०७९/८० को नाफाबाट १४ प्रतिशत बोनस सेयर र शून्य दशमलव ७३ प्रतिशत नगद लाभांस स्वीकृत गरेको छ ।
.सभाले आ.व. २०७९र८० को वार्षिक प्रतिवेदनमाथि छलफल गरी पारित गरेको छ । सभामा कोष सञ्चालक समितिका अध्यक्ष थापाले वित्तीय बजार र पुँजी बजारमा कोषले नेतृत्वदायी भूमिका खेल्दै आएको बताए । कार्यक्रममा कोषका कार्यकारी निर्देशक पर्वत कुमार कार्कीले कोषको वस्तुस्थिति बारे जानकारी दिए ।
साधारण सभामा प्रस्तुत विवरण अनुसार आर्थिक वर्ष २०८०/८१ को चैत मसान्तसम्म कोषको खुद कोष मौज्दात रकम २ खर्ब ४८ अर्ब १ करोड रुपैयाँ पुगेको छ । त्यस अवधिमा कोषले २ खर्व ३६ अर्ब ८० करोड रुपैयाँ लगानी गरेको जनाएको छ ।
