सिटिजन्स बैंक इन्टरनेसनल लिमिटेडले सातै प्रदेशमा लर्निङ सेन्टर सञ्चालनमा ल्याएको छ । बैंकका प्रदेश कार्यालयका भवनमा लर्निङ सेन्टर शुरू गरिएको हो  हो । 

मंगलबार बैंकको मुख्य कार्यालयमा आयोजित एक समारोहका बीच बैंकका सञ्चालक समितिका अध्यक्ष प्रबलजंग पाण्डेले भर्चुअल रुपमा लर्निङ सेन्टरहरुको उद्घाटन गरे । अध्यक्ष पाण्डेले बैंकले स्थापना गरेको लर्निङ सेन्टरमा कार्यक्रमहरु संचालन गर्न सहजता हुने र सञ्चालन भएका कार्यक्रमहरुले कर्मचारीहरुको व्यक्तित्व र क्षमता विकासमा मद्दत पुग्ने विश्वास व्यक्त गरे ।

कोशी प्रदेशको विराटनगर, मधेश प्रदेशको जनकपुर, बागमती प्रदेशको काठमाडौं, गण्डकी प्रदेशको पोखरा, लुम्बिनी प्रदेशको बुटवल, कर्णाली प्रदेशको सुर्खेत र सुदूरपश्चिम प्रदेशको धनगढीमा ‎एकसाथ सबै लर्निङ्ग सेन्टरहरु शुरूवात बैंकले गरेको हो । 

लर्निङ सेन्टरबाट कर्मचारीहरुलाई तालिम प्रदान, प्रादेशिक स्तरका कार्यक्रमहरु सञ्चालन, बैठक तथा गोष्ठीहरु गरिने  बैंकले जनाएको छ।