रुसको निझ्नी नोबोगोद शहरमा सम्पन्न ब्रिक्स देशहरुका बिदेशमन्त्रहरुको १० जूनमा सम्पन्न संयुक्त बैठकले ब्रिक्स बिस्तार र उलब्धीहरुको मूल्यांकन गर्दै यसले बहुध्रुबीय प्रकृयालाई गति दिएको तथा न्यायपूर्ण र समतामूलक अन्तर्राष्ट्रिय ब्यवस्थालाई बढावा दिएको उल्लेख गरेका छन् ।
सहभागीहरुले यो बैठक पछि जारी बक्तब्यमा भनेका छन् – ब्रिक्स सहयोग र अन्तर्राष्ट्रिय तथा क्षेत्रीय तातो क्षेत्रका मुद्दाहरूमा गहन विचारको आदानप्रदान भएको छ । सबै सदस्य देशहरुले ब्रिक्स संयन्त्रको महत्वपूर्ण भूमिका र यसको सदस्यता विस्तारका उपलब्धिहरूको उच्च प्रशंसा गरेका छन् । ब्रिक्समा धेरै भन्दा धेरै देशहरूको प्रवेशले विश्व बहु–ध्रुवीकरणको प्रक्रियालाई गति दिएको छ र अधिक न्यायपूर्ण र समतामूलक अन्तर्राष्ट्रिय व्यवस्थालाई बढावा दिएको छ ।
सहभागी सबै पक्षले बहुपक्षीयताको पालना, एकपक्षीयता र संरक्षणवादको विरोध, अन्तर्राष्ट्रिय वित्तीय संरचनाको सुधारलाई बढावा दिन, विश्वव्यापी शासनको वृद्धि र सुधार गर्न तथा विकासशील देशहरूको आवाज र प्रतिनिधित्व बढाउन आह्वान गरेका छन् ।
सबै पक्षले वार्ता र परामर्शको माध्यमबाट विवादको शान्तिपूर्ण समाधान गर्न र संकटको शान्तिपूर्ण समाधानका लागि अनुकूल सबै प्रयासलाई समर्थन गर्न पनि जोड दिए। उनीहरूले सबै प्रकारका आतंकबादप्ित शून्य सहनशीलताकाे नीति अबलम्बन गर्ने कुरामा पनि जाेड दिए ।
त्यस अवसरमा चीनका बिदेशमन्त्री वाङ यीले लाओसका उपप्रधानमन्त्री एवं विदेशमन्त्री सालेमसे कोमासिथ, रुसी विदेशमन्त्री सर्गेइ लाभारोभ, ब्राजिलका विदेशमन्त्री माउरो भिएरा, दक्षिण अफ्रिकाका विदेशमन्त्री नालेदी पान्डोर, इथियोपियाका विदेशमन्त्री ताये अत्सेसेलासी र इरानी कार्यवाहक विदेशमन्त्री अली बागेरी कानीसँग छुट्टाछुट्टै भेटवार्ता पनि गरेका थिए ।