राष्ट्रिय वाणिज्य बैंकको प्रमुख कार्यकारी अधिकृतमा देवेन्द्ररमण खनाल नियुक्त भएका छन् । बैंक सञ्चालक समितिको बैठकले खनाललाई सीईओमा अागामी चार वर्षका लागि नियुक्त गर्ने निर्णय गरेको हो । 

खनाल खुला प्रतिस्पर्धाबाट बैंकको सीईओमा नियुक्त भएका हुन् । वि. सं. २०६४ भदौमा बैंकमा आवद्ध भएका खनाल चार्टर्ड एकाउन्टेन्ट हुन् । उनले एमबीए पनि गरेका छन् ।

सोही बैंकको शाखा कार्यालय प्रमुख, प्रादेशिक कार्यालय, कर्जा लगायत विभिन्न विभागको जिम्मेवारीमा रहेका खनालसँग डेढ दशक बढी बैंकिङ क्षेत्रको अनुभव रहेकाे छ । पूर्व सीईओ किरण कुमार श्रेष्ठले अवकाश पाएपछि खनालले कामु सीईओको भूमिकामा रहेका थिए । 

बैंकको सीईओ छनोट तथा सिफारिस समितिले ५ जनाको नाम सर्टलिष्ट गरेर बुधबार अन्तवार्ताका लागि बोलाएको थियो । अन्तवार्ता पछि समितिले ३ जनाको नाम सञ्चालक समितिमा पेस गरेकोमा खनाल छनौट भएका हुन् । खुल्ला रूपमा सीईओका लागि आवेदन माग हुँदा १९ जनाकाे आवेदन परेकाे थियाे ।