बैंकहरूमा तरलता वृद्धि हुँदै गएपछि बैंकहरूले धमाकम कम ब्याजदरका कर्जा याेजना सार्वजनिक गर्न थालेका छन् । आधार दर घटेकाे र तरलता बढेकाे परिप्रेक्ष्यमा उनीहरूले एकल अंककाे ब्याजदरमा कर्जा याेजना अघि सारेका हुन् ।
नबिल बैंकले ‘नबिल ढुक्क घर कर्जा, नबिल भए ढुक्क’ भन्ने कर्जा योजना सार्वजनिक गरेको छ । सो योजना अन्तर्गत ८.९९ प्रतिशत ब्याजदरमै घर कर्जा उपलब्ध गराउने जनाएको हो । बैंकले अधिकतम ३० वर्षसम्म अवधिका लागि घर कर्जा दिनेछ । उक्त कर्जामा ८.९९ प्रतिशत ब्याजदर ७ वर्षसम्मका लागि स्थिर रहने बैंकले जनाएको छ ।
केहि समय अघि ग्लोबल आइएमई बैंक र सिटिजन्स बैंकले ९.९९ प्रतिशत ब्याजदरमा आवास कर्जा दिने सार्वजनिक गरिसकेका छन् ।
