मोरङ जिल्लाको लेटाङमा रहेको एक सहकारी संस्थाका दुई कार्यालयबाट करिब १३ लाख रुपैया चोरी भएको छ ।
लेटाङ स्थित एकीकृत जनभावना बचत तथा ऋण सहकारी संस्थाको मुख्य कार्यालय तथा फडानी सेवा केन्द्रबाट १२ लाख ८१ हजार रुपैयाँ चोरी भएको प्रहरीले जनाएको छ ।
संस्थाको मुख्य कार्यालय लेटाङ नगरपालिका–२ फँडानी र सेवा केन्द्र लेटाङ–२ खैरेनीमा रहेको छ । मुख्य कार्यालयबाट ८ लाख ९० हजार ४ सय ४५ रूपैयाँ र सेवा केन्द्र बाट ३ लाख ९० हजार ५ सय ८५ रूपैयाँ चोरी भएको हो ।
सहकारीको निगरानीका लागि सीसी क्यामेरा जडान गरिएको भएपनि सीसी क्यामेरा डिभाइस समेत चोरी लगेको देखिएको प्रहरीले बताएको छ ।
