ललितपुर जिल्ला बचत तथा ऋण सहकारी संघको आयोजनामा भएको साकोस अध्यक्ष गोष्ठी सम्पन्न भएको छ । गोष्ठीले सात बुँदे साझा प्रतिबद्धता समेत जारी गरेको छ । ललितपुर जिल्लाको साकोस अभियानलाई दिगो एवं सुरक्षित राख्न प्रत्येक सहकारी संस्थामा संस्थागत सुशासन कायम गर्न अध्यक्षको गहन भूमिकालाई अर्थपूर्ण रुपमा लिंदै “साकोसमा अध्यक्षको भूमिका सुशासन, दिगो र जवाफदेहिता” भन्ने मूल विषयवस्तुमा आधारित भई फाल्गुण ४ र ५ गते भक्तपुरमा आयोजित “साकोस अध्यक्ष गोष्ठी २०८० ललितपुर”साकोसका अध्यक्षहरु साझाल प्रतिवद्धता जारी गरेको हो ।
गोष्ठीको साझा प्रतिवद्धता
सहकारी मार्फत राष्ट्रिय पुँजी निर्माणमा भएको योगदानको पहिचान कायम गर्दै अभियानलाई सुदृढ एवं दिगो राख्न संस्थागत गतिविधिहरुको नियमित प्रकाशन मार्फत व्यक्तिगत एवं संस्थागत वित्तीय अनुशासन कायम राख्ने ।
सहकारीमा सकारात्मक नेतृत्व शैली स्थापित गरी सफल सहकारी संस्था निर्माण गर्न संस्थागत सुशासन, पारदर्शिता र जवाफदेहिता कायम गर्नेछौं ।
सहकारी संस्थाको समग्र विकास र प्रबद्र्धनमा अध्यक्षको भूमिकालाई आत्मसाथ गर्दै संस्थागत जोखिम व्यवस्थापनका लागि उक्त भूमिका पूर्ण रुपमा निर्वाह गर्न प्रतिबद्ध छौं ।
वर्तमान अवस्थामा सहकारी क्षेत्रमा देखिएको संकट सामनाका लागि समग्र अभियानलाई सुव्यवस्थित रुपमा दिशानिर्देश गर्न व्यक्तिगत एवं संस्थागत रुपमा सकारात्मक रुपान्तरणका लागि तयार छौं ।
सुदृढ सहकारी अभियानको निर्माणमा कानुनको परिपालनालाई महत्वपूर्ण कडीको रुपमा आत्मसाथ गर्दै कानुनी अनुपालनामा शुन्य सहनशीलताको निती अबलम्बन गर्न तयार छौं ।
नियमित रुपमा सहकारी संस्थाको वित्तीय विश्लेषण र स्वमूल्यांकन गरी सुधार गर्नुपर्ने क्षेत्रहरुको पहिचान गरी व्यवस्थापन गर्न संचालक समिति र व्यवस्थापनलाई पूर्ण रुपमा जवाफदेही बनाउन प्रतिबद्ध छौं ।
सुरक्षित र दिगो वित्तीय पहुँच अभिवृद्धि मार्फत सदस्यको आर्थिक एवं सामाजिक जिवनस्तर अभिवृद्धि गर्न आवश्यकताका आधारमा सेवामा विविधिकरण गर्दै लैजान प्रतिबद्ध छौं ।
