ललितपुर जिल्लाका सहायक प्रमुख जिल्ला अधिकारी अमरदिप सुनुवारले सामाजिक पुँजी निमार्ण, नेतृत्व तथा सामुदायिक विकासमा सहकारीले काम गरेको बताए । रोजगारी सृजना र उत्पादन वृद्धिमा सहकारीले काम गर्दै आएको भए पनि कुन क्षेत्रमा कति ऋण लगानी गर्ने भनेर योजना बनाउन नसक्दा सहकारी समस्याग्रस्त बन्दै गएको उनले बताए । ललितपुर बचत संघले आयोजना गरेको साकोस अध्यक्षहरुको गोष्ठीमा सहकारीको समस्या समाधानमा प्रशासनको भूमिका विषयमा उनले कार्यपत्र प्रस्तुत गरेका थिए ।
ऋण लगानीको क्षेत्र पहिचान गरी जोखिमयुक्त क्षेत्रमा ऋण लगानी नर्गन सुनुवारले सल्लाह दिए । केही सदस्यले वहानामा बचत फिर्ता मागेको भए पनि धेरै सदस्यले भने आवश्यकता परेरै बचत फिर्ताको लागि सरकारी कार्यालय धाउने गरेको उनको भनाई छ । कतिपय सहकारीका सञ्चालक फोन सम्र्पकमा हुनछाडेको र कतिपय सञ्चालक देश बाहिर समेत फरार भएको गुनासो आउने गरेको बताए । सहकारीमा शुसासन कायम गर्नु नै अहिलको आवश्यकता रहेको र त्यसका लागि अध्यक्ष नै मुख्य जिम्मेवार रहेको उनको भनाई छ । सहकारीको नियमनमा जिल्ला प्रशासनको भूमिका नहुने र सहकारी स्वः नियमनमा चल्नुपर्ने बताए । घर जग्गा र हायर पर्चेजमा ऋण लगानी गर्दा समस्या आउने भएकाले त्यस्ता क्षेत्रमा ठूलो लगानी नगर्न उनले सुझाए । सञ्चालकले हरेक क्षेत्रमा शुस्म अध्ययन गरेर अगाडी बढे समस्या आउँदा समाधान गर्न सक्ने उनको बुझाई छ ।
जोखिमलाई विश्लेषण नगरी ऋण लगानी गरेकाले त्यसको उत्तरदायित्व संचालकले नै लिनुपर्ने उनले जोड दिए । जिल्ला प्रसासन कार्यालयमा हरेक दिन बचतकर्ता समस्या लिएर आउने गरेको उनले बताए । केही सहकारी सिद्धान्त बाहिर सञ्चालन भएको र सदस्यको बचतलाई आफ्नो सम्झेर परिचालन गर्दा समस्या आएको उनले भने । सहकारीको इस्यु राजनितिक देखि नागरिक तहसमम्म पुगेकाले त्यसको सहजीकरण गर्न कार्यालय तयार रहेको उनले जानकारी दिए । शुसासन, जवाफदेहीता र पारदर्शिताको विषयमा आफै स्वः मूल्याङकन गर्न आग्रह गर्दै उनले आफ्नो संस्थाको ग्रेडिङ आफै गर्नुपर्ने बताए । संस्थाको राम्रो पक्षलाई जोगाउँदै सुधार गर्ने क्षेत्रहरुको पहिचान गरेर अगाडी बढ्न उनको भनाई छ । जहाँ जे छ त्यसमा सुधारेर जानु पर्ने र नियमसंगत काम गर्न उनको आग्रह छ । सदस्यले विश्वास गरे अहिलेको समस्या ५० प्रतिशत हल हुने उनले बताए ।
