लक्ष्मी सनराइज बैंक लिमिटेडले ७.३७ प्रतिशत लाभांश दिने घोषणा गरेको छ । मंगलबार बसेको बैंकको सञ्चालक समितिको बैठकले गत आर्थिक वर्षको मुनाफाबाट शेयरधनीहरुलाई उक्त लाभांश वितरण गर्ने घोषणा गरेको हो ।
बैंकले हाल कायम चुक्ता पूँजीको ७ प्रतिशत बोनस र कर प्रयोजनका लागि ०.३७ प्रतिशत नगद लाभांश दिने घोषणा गरेको हो । प्रस्तावित लाभांश राष्ट्र बैंकबाट स्वीकृत भएर आएपछि बैंकको आगामी वार्षिक साधारण सभाले पारित गरेपछि शेयरधनीले पाउनेछन् ।
