नेपाल राष्ट्र बैंकले विभिन्न विद्युतीय माध्यम तथा सामाजिक सञ्जालमार्फत सन्देश पठाइ वित्तीय ठगी गर्ने क्रियाकलाप बढेको भन्दै सचेत हुन सर्वसाधारणलाइ आग्रह गरेको छ ।
ह्वाट्स्याप, भाइबर, मेसेञ्जर जस्ता मोबाइल एप, इमेल र फोनबाट चिठ्ठा परेको, पुरस्कार जितेको, धनसम्पत्ति वा सुन फेला परेको, अपुताली सम्पत्ति भेटिएको वा छोटो समयमै धेरै प्रतिफल पाइने योजना उपलब्ध भएको जस्ता बहाना बनाई म्यासेज गर्ने र उक्त रकम वा सम्पत्ति प्राप्त गर्न बैंक खाताको जानकारी दिन वा केहि रकम पठाउनु भनि प्रलोभन दिइ ठगी गर्ने घटना हुने गरेको राष्ट्र बैंकले जनाएको छ ।
त्यस प्रकारका सन्देसमा विश्वास गर्ने, हुँदै नभएको र आफुले भाग नै नलिएको चिठ्ठा वा पुरस्कार जितेको कुराको पछि लहैलहैमा लागेर पैसा पठाउने वा खाताको विवरण उपलब्ध गराउने काम बाट बच्न राष्ट्र बैंकले भनेको छ । वित्तीय ठगीबाट आफु बच्न र अरुलाई पनि बचाउन राष्ट्र बैंकले आग्रह गरेको छ ।
