एनआईबिएल एस क्यापिटल लिमिटेडले मेगा क्यापिटल मार्केट्स लिमिटेडलाई प्राप्ति (एक्विजिसन) गर्ने सम्वन्धमा दुवै संस्थाहरुले विशेष साधारण सभा गरेका छन् ।साधारणसभाले एनआईबिएल एस क्यापिटल लिमिटेडमा मेगा क्यापिटल मार्केट्स लिमिटेडलाई प्राप्ति ( एक्विजिसन) गर्ने निर्णय गरेकोर गाभिने कम्पनीको सम्पूर्ण सम्पत्ति तथा दायित्व समेत एनआईबिएलले सकार्ने निर्णय समेत गरेको छ ।
प्राप्ति पश्चात कम्पनीको चुक्ता पूंजी ४७ करोड हुने, ४ लाख ८५ हजार भन्दा बढी हितग्राही खाता, ७ वटा शाखा कार्यालयहरु र ५५ वटा भन्दा बढी कम्पनीको शेयर रजिष्ट्रार कार्य मार्फत करिब २५ लाख भन्दा बढी शेयरधनीहरुलाई सेवा प्रदान हुने भएको छ । यस प्राप्ति (एक्विजिसन)पश्चात हाल गर्दै आएको मर्चेन्ट बैंकिंग तथा इन्भेष्टमेण्ट बैंकिंग व्यवसायमा गुणात्मक असर पर्नुको साथैप्रदान भईरहेका सेवाहरु अझ सुदृढ र सशक्त रूपमा विस्तार हँुदैधितोपत्र बजारमा आफ्नो विशिष्ट पहिचान बनाउन सकिने विश्वास समेत क्यापीटलले जनाएको छ ।
प्राप्ति पश्चात साविकको एनआईबिएल एस क्यापिटल लिमिटेडको नाम समेत एनआइएमबि एस क्यापिटल लिमिटेड हुने गरी परिवर्तन गर्न कम्पनी रजिष्ट्रारको कार्यालयबाट ३/ ११ मा स्वीकृति प्राप्त भईसकेको छ । साविकका दुवै संस्थाहरुको बसेको सञ्चालक समितिको छुट्टाछुट्टै बैठकको निर्णय बमोजिम प्राप्ति पश्चात परिवर्तित नाम “एनआइएमबि एस क्यापिटल लिमिटेड” बाट आज सोमबार देखि एकिकृत व्यवसाय / कारोबार सञ्चालन गरेको छ ।
