देवदर्शन बचत तथा ऋण सहकारी संस्थाले वृहत रक्तदान आयोजना गरेको छ । संस्थाले १५ औं स्थापना दिवसको उपलक्ष्यमा रक्तदान कार्यक्रम आयोजना गरेको हो । संस्थाले आयोजना गरेको रक्तदान कार्यक्रममा ५४ जनाले रक्तदान गरेका थिए । ‘रक्तदान दान,जीवन दान’ भन्ने उदेश्यका साथ आयोजित रक्तदान कार्यक्रममा सदस्यहरुको सक्रिय सहभागिता रहेको थियो ।
संस्थाले आयोजना गरेको रक्तदान कार्यक्रम छैटौं पटक भएको अध्यक्ष राम नारायण घिमिरेले बताए । संस्थाले आफनै कार्यालय भवनमा रक्तदान कार्यक्रम आयोजना गरेको हो । सहकारी मुल्य मान्यता र सिद्धान्तमा रहेर वित्तीय कारोवार गर्दै आएको उक्त संस्थाले सदस्य र समुदायको उन्नतीको लागि काम गर्दै आएको छ ।
संस्थाप्रति विश्वास गरेर कारोवार गर्ने सदस्य र शुभचिन्तकहरुलाई सो अवसरमा संस्थाले आभार प्रकट गरेको छ भने आगामी दिनमा पनि निरन्तर सहयोग र सहकार्यको अपेक्षा गरेको छ ।
