नेपालपत्र संवाददाता
पोखरा रोयल बचत तथा ऋण सहकारीले चालु आर्थिक वर्षको जेठ मसान्तसम्मको वित्तीय विवरण प्रकाशित गरेको छ । जस अनुसार संस्थामा २५।३९ प्रतिशत तरलता कायम रहेको छ । संस्थामा ४१ करोड १८ लाख ८४ हजार रकम तरलता रहेको जनाइएको छ ।
शेयरपुँजी २० करोड ९६ लाख ३९ हजार रहेको संस्थाको जगेडा कोषमा १५ करोड ७३ लाख २५ हजार रकम रहेको छ । त्यसैगरी बचत संकलन १ अर्ब ६२ करोड १९ लाख र लगानीमा रहेको ऋण रकम १ अर्ब ७६ करोड १२ लाख पुगेको छ ।
प्रकाशित विवरण अनुसार ८८६१ जना शेयर सदस्य रहेको संस्थामा १४९४ जनाले ऋण सुविधा लिएका छन् । संस्थाको कुल सम्पत्ति २ अर्ब २५ करोड १२ लाख १७ हजार रहेको छ ।
